१ कोरिन्थी 6:8 - थुलुङ राई

⁸ लावो गानी इनी त्‍वाकाङा लु-फेले बोनी मा मेजो़पा बोनी, मे वो इनीमा त्‍वाकु थो़रलु़पा वा-ल्‍वाकलाई ङा!

१ कोरिन्थी 6:8 Referans Kwoze

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

कलस्‍सी 3:25

उहेमका मेजो़पा बु़, मेम बु़डु़मका गु मेजो़पाङा बेला सो़सी मा माम्‍चु़नीका मेफ्‍वाक्‍साका मेर्मिम खोत्‍लेलाई देन्‍दे ग्‍वामी।

याकूब 5:4

इनीमा ये-दडा खारी बेप्‍साक्‍पा खारीचो़मिमलाई मेर्मिमका ल्‍वामु बासिक्‍पा खउलुङ मेग्‍वानिवा। रेप्‍नी, मेराम खउलुङकाङा डोक्‍पु लो़लामका इनीमा कोर्थो़लाम जे, मा खोत्‍लेडाम घ्‍ल्‍वापा मिप्रङमाका इनीमा खारीचो़ ख्राप्‍मिडिम थो़म्‍डिम बु।

मर्कूस 10:19

मेसेन्‍मु, नाम्‍सु़रु़ मेबोमु, मेखुमु, लिमा ल्‍वा मेसो़मु, रारी मेबोमु, त्‍वाकु माम-पाप जो़होम बोमु र्‍वाक्‍पा डु़म्‍ला चना डे मेएँ?”

मत्ती 20:13

“लावो मे अङ्‍गूर येकु मु़चु़का मेर्मिमगोडाम कोलेलाई र्‍वाक्‍ता, ‘ङोप्‍सो़, गो गानालाई खउलुङडा सेट्‌निम मिबु। हाम गाना कोलेमकाम को मतो खउलुङडा खारी बोमु बिन्‍सिट्‌नाम मेएँ मा?