१ कोरिन्थी 6:7 - थुलुङ राई

⁷ गानीगोडा कोलेका कोङमीकु कोर्थो़लाम रिबुसी बोमुङा गानी सो़ट्‌निम र्‍वाक्‍पा रेम्बु़। मेम मेबेसाका, मेजो़पा दु़म्‍सी हेङा मेइम्‍मु? हेङा लु-फेले बेला मेसो़म्‍सिमु?

१ कोरिन्थी 6:7 Referans Kwoze

१ पत्रुस 3:9

मेजो़पा बेपालाई मेजो़पा मेबेनी मा डक्‍साका जेपालाई डक्‍साका मेजेनी, लावो मेर्मिमलाई जि-वा ग्‍वाक्‍नी। हेङालोने माम्‍चु़नीका गानीलाई जि-वा ग्‍वामु लागिङा येट्‌निम सो़, मेम्‍साका गानी जि-वा ल्‍वानी।

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

लूका 6:29

कोङनिमका गानीलाई कोलेलाममिम इनी फोसु़डा याल्‍नी माला कोङमी फोसु़ वो देन्‍साट्‌नी, मा इनी हुम-ये लमु माल्‍पामिमलाई माक्‍ते वो ग्‍वान्‍सोट्‌नी।

लूका 19:8

मेकोतिमा जखायस येस्‍तामा ङाचो़ येशूलाई र्‍वाक्‍ता, “रेप्‍नी, ङाचो़, गो आमा को फ्‍वा खाप्‍ची उनी हाम वो मेबाट्‌पा मु़चु़मिमलाई ग्‍वाक्‍पुमी, मा कोङनिम मु़चु़लामका कर फमु थारीका लु-फेले बेसाका रउतोम बु माला गो मेरामकाम ब्‍ल गुणा ख्‍लोक्‍साक्‍पु।”