१ कोरिन्थी 6:5 - थुलुङ राई

⁵ इनी क्रो़म लु़बेन्‍मु लागि गो गानीलाई र्‍वाङु। वा-ल्‍वाककु रिबुसीडा न-थो़म घ्रो़म्‍बेन्‍मु चापा नेप्‍चीनुङमा मु़चु़ गानीगोडा सु़ वो मेबुनी?

१ कोरिन्थी 6:5 Referans Kwoze

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

१ कोरिन्थी 4:14

गानीलाई इनी क्रो़म लु़बेन्‍मु र्‍वाक्‍साका गो ओराम र्‍याक्‍तो बेउमिम मेएँ, लावो आमा द्‌वादीबुङ चो़च्‍चो़लाई होम्‍साका लु़म्‍ला बेन्‍मु लागि सो़।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

१ कोरिन्थी 11:14

वोस्‍चो़का धु़पा सेम डु़ल्‍लु़ माला उ नो़-कल ल र्‍वाक्‍पा हाम छ्‌याङलो-छ्‌याङलो मिबु मा?

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

१ कोरिन्थी 6:1

गानीगोडाम कोलेका कोङमी ल्‍वाकनुङ रिबुसी किस्‍तु़म बु माला निया बेला सो़म्‍सिमु माम्‍चु़नीकु मु़चु़मिमकाडा मेलक्‍साका माम्‍चु़नीडा थो़र मेलु़पा मु़चु़मिमकाडा हेसाका लमु चाप्‍सु़ मा?

१ कोरिन्थी 6:4

आरेप्‍माम रिबुसीमिम गानीगोडा बु माला मण्‍डलीका हाम होङङा मेलु़पा पाखाडाम वाङ नियाचो़मिमकाडा गानी हेङा लनिमिम?