१ कोरिन्थी 6:3 - थुलुङ राई

³ गुइ पाह्रीचो़मिमकाम निया बिइ र्‍वाक्‍पा हाम गानी मेचनी? मेम माला ओराम सुबुडा गुइडला दु़म्‍पाम बाट्‌पा ल्‍वाकु निया बोमु हेङा मेचाप्‍सी मा?

१ कोरिन्थी 6:3 Referans Kwoze

यहूदा 1:6

त्‍वाकु साखामगोडा मेबासाका त्‍वाकु बाखोप डिट्पा मे पाह्रीचो़मिमलाई गुमीका हेल्‍लो वो मेभ्रसिक्‍पा सेलरिवाका बसाका मे डोक्‍पु नेमसम्‍मकाम लागि तुकुम्‍चिमगोडा जु़ल्‍थाप्‍मिमिम बु।

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

१ कोरिन्थी 6:4

आरेप्‍माम रिबुसीमिम गानीगोडा बु माला मण्‍डलीका हाम होङङा मेलु़पा पाखाडाम वाङ नियाचो़मिमकाडा गानी हेङा लनिमिम?

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

२ तिमोथी 2:4

सेनाडा भर्ती दु़म्‍पा सिपाहीका वाङमिम खारी बेसाका नेम मेताडु़, हेङालोने गुलाई भर्ती बेपा डोक्‍पु मु़चु़लाई गेर्सिबेन्‍मुङा गुका मालु़मिम दु़म।

२ पत्रुस 2:4

पाह्रीचो़मिमका छु़ल बेम्‍डिलो वो माम्‍चु़नीका मेडिट्‌मिवा। गुमीका मेर्मिमलाई खादीगोयु़ घ्रोम्‍सोम्‍डी मा निया दु़म्मिम नेमसम्‍म लागि तुकुम्‍चिमडा जु़ल्‍थाप्‍मी।

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

१ कोरिन्थी 6:15

इनीमा मिरो़म ख्रीष्‍टकु मिरो़मगोडाम अंगमिम र्‍वाक्‍पा हाम गानी मेचनी? हाम गो ख्रीष्‍टकु मिरो़मडाम अंगमिमलाई छो़लो़माकु मिरो़मडाम अंग दु़म्‍बेन्‍मु? मेम ने मेदु़म्‍नु़।

१ कोरिन्थी 6:16

छो़लो़मानुङ अम्‍पा मु़चु़ मिरो़मडा मेरामनुङ कोले दु़म्‍ची र्‍वाक्‍पा ल्‍वा हाम गानी मेचनी? हेङालोने माम्‍चु़नीकु सिजेमडा र्‍याक्‍मा, “मेर्चिप निफिङा कोले दु़म्‍ची”

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।