१ कोरिन्थी 6:2 - थुलुङ राई

² माम्‍चु़नीकु मु़चु़मिमका सु़म्‍दिसेरकाम निया बोमी र्‍वाक्‍पा हाम गानी मेचनी? सु़म्‍दिसेरकाम निया गानी बोनी माला याक्‍केतो रिबुसी ल्‍वा फ्‍यामु हाम गानी मेचाम्‍नी?

१ कोरिन्थी 6:2 Referans Kwoze

मत्ती 19:28

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, लाले सु़म्‍दिसेर दु़म्मिम थारीका, यु़म-झ्‍वाक्‍पा हप गन्‍खोपडा मिनीचो़ गन। मेकोतिलो आमा चङचङ लाम्‍दिपामिम वो को-न (१२) हप गन्‍खोपडा गन्‍मी, मा इस्राएलडाम को-न (१२) दोचो़मिमडला निया बोमी।

लूका 22:30

मेकोतिमा गो किब्‍दी थो़पुमिम थारीका गानी गोनुङङा पोनी-डुनी, मा हपकु गन्‍खोपडा गन्‍साका माम्‍चु़नीकु मु़चु़मिमडला गोनुङ साखाम थो़पा दु़म्‍नी।”

रेम्‍बेट्‌मिडिम ल्‍वा 20:4

मेम्‍मा निया बोमु साखाम ग्‍वाक्‍मा मु़चु़मिम साखाम थो़पा गन्‍खोपमिमडा गन्‍तासिट्‌पा गो ल्‍वाउतोमी। मेम्‍मा येशूका थेसिथेन्‍बेट्‌मिडिम सीसि नुङ माम्‍चु़नीकु सिजेम जेम्‍डिमका उनी बुइ क्रिप्‍साका सेट्‌मिडिम मेर्मिमकु पेल वो गो ल्‍वाउतो। मेर्मिमका मे हादीबारा ना उ ङाटा हाम वो सेव साट्‌मिडिम मेबायावा, मा उनी कुप्‍पीडा ना ल्‍वाड्‌डा मेरामकु छाप मेरमिवाम बाइडा। मेर्मिम नु़मबम्‍डी मा ख्रीष्‍टनुङ को धु़म सङ थ साखाम थो़ट्‌मिडी।

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

२ कोरिन्‍थी 4:18

मिक्‍सीका ल्‍वासु़मिम ल्‍वा मेएँ, मिक्‍सीका मेल्‍वासु़मिम ल्‍वा गुकु रेम्‍कु। मिक्‍सीका ल्‍वासु़मिम ल्‍वा घरिकोङकाम कोङङा दु़म, लावो मिक्‍सीका मेल्‍वासु़मिम ल्‍वा ने हेल्‍लो लोवो दु़महोम बु।

१ कोरिन्थी 6:4

आरेप्‍माम रिबुसीमिम गानीगोडा बु माला मण्‍डलीका हाम होङङा मेलु़पा पाखाडाम वाङ नियाचो़मिमकाडा गानी हेङा लनिमिम?

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

१ कोरिन्थी 1:20

नेप्‍चीनुङमा बान्‍ते बु? पातु़म्‍री बान्‍ते बु? ल्‍वालाम खाल्‍पा आथामबिलिम मु़चु़ बान्‍ते बु? हाम माम्‍चु़नीका ओ सु़म्‍दिसेरकु नेप्‍ची हाम ना हामकाम मेदु़म्बेट्‌मिवा मा?

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।