१ कोरिन्थी 6:19 - थुलुङ राई

¹⁹ इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

१ कोरिन्थी 6:19 Referans Kwoze

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

यूहन्‍ना 2:21

लावो येशूका “सो़रनेम” र्‍वाम्‍डिम ने उनी त्‍वाकु मिरो़मकु दुथाम र्‍वाम्‍डिम बाइडा।

२ कोरिन्‍थी 5:15

गुमी खोत्लेकाम लागि सिम्डी। मेम्‍मिमका लाले त्‍वारो़म ल्‍वापामिमका आथाडा आनो त्वाकाम लागि मेएँ, लावो ख्रीष्‍टकाम लागि नु़मु बासी, गुमी मेर्मिमकाम लागि सिम्‍डी मा सिमुलाम बम्‍गेम्‍डिम।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

१ कोरिन्थी 6:3

गुइ पाह्रीचो़मिमकाम निया बिइ र्‍वाक्‍पा हाम गानी मेचनी? मेम माला ओराम सुबुडा गुइडला दु़म्‍पाम बाट्‌पा ल्‍वाकु निया बोमु हेङा मेचाप्‍सी मा?

१ कोरिन्थी 6:13

गानी आरे वो र्‍वाक्‍नी, “पोमु-डुमु ख्‍वाचेपकाम लागि, मा ख्‍वाचेप पोमु-डुमुकाम लागि।” ओराम आच्‍छाङा, लावो माम्‍चु़नीका निफिङा पुयु़लुबेन्‍मी। मिरो़म नाम्‍सु़रु़ बोमु लागि मेएँ, लावो ङाचो़काम लागि सो़, मा ङाचो़ मिरो़मकाम लागि सो़।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?