१ कोरिन्थी 6:14 - थुलुङ राई

¹⁴ माम्‍चु़नीका उनी यु़मका ङाचो़ येशूलाई सिमुलामका फम्‍डी, मा गुइलाई वो उनी यु़मका फक्‍सामी।

१ कोरिन्थी 6:14 Referans Kwoze

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

२ कोरिन्‍थी 13:4

आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।