१ कोरिन्थी 6:13 - थुलुङ राई

¹³ गानी आरे वो र्‍वाक्‍नी, “पोमु-डुमु ख्‍वाचेपकाम लागि, मा ख्‍वाचेप पोमु-डुमुकाम लागि।” ओराम आच्‍छाङा, लावो माम्‍चु़नीका निफिङा पुयु़लुबेन्‍मी। मिरो़म नाम्‍सु़रु़ बोमु लागि मेएँ, लावो ङाचो़काम लागि सो़, मा ङाचो़ मिरो़मकाम लागि सो़।

१ कोरिन्थी 6:13 Referans Kwoze

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

१ कोरिन्थी 6:15

इनीमा मिरो़म ख्रीष्‍टकु मिरो़मगोडाम अंगमिम र्‍वाक्‍पा हाम गानी मेचनी? हाम गो ख्रीष्‍टकु मिरो़मडाम अंगमिमलाई छो़लो़माकु मिरो़मडाम अंग दु़म्‍बेन्‍मु? मेम ने मेदु़म्‍नु़।

एफिसी 5:23

हेङालोने ख्रीष्‍ट मण्‍डलीकु बुइ दु़म्‍मिडिम होप्‍मामङा वोचु़ वो उमा मोचु़कु बुइ सो़। मण्डली ने ख्रीष्‍टकु मिरो़म, मा मेराम सेल्‍पा ने गुमी सो़।

मत्ती 15:17

गानी हाम पोनी, मेराम सिलामका ख्‍वाचेपगोयु़ ल, मा पाखा लु।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 12:1

आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

२ कोरिन्‍थी 5:15

गुमी खोत्लेकाम लागि सिम्डी। मेम्‍मिमका लाले त्‍वारो़म ल्‍वापामिमका आथाडा आनो त्वाकाम लागि मेएँ, लावो ख्रीष्‍टकाम लागि नु़मु बासी, गुमी मेर्मिमकाम लागि सिम्‍डी मा सिमुलाम बम्‍गेम्‍डिम।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

यूहन्‍ना 6:49

इनीमा बेब-पापमिमका र्‍याङगो-र्‍याङगोडा मन्‍न पेम्‍डी, मावो मेर्मिम सिम्‍डी।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

मर्कूस 7:19

हेङालोने मेराम मु़चु़कु गोगोनो मेएँ ख्‍वाचेपगोनो ल, मा मेलामका पाखानो लुल्‍या।” (आरेसाका खोत्‍ले पोमुथोकमिम सेपाङा दु़म र्‍वाक्‍साका गुमीका र्‍वाम्‍डी।)

मत्ती 15:20

ओर्मिम ल्‍वाका गानीलाई मेसेपा दु़म्‍बेनी। ल्‍वा मेसो़ल्‍साका पोनिमिमका मेसेपा मेदु़म्‍नी।”

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।