१ कोरिन्थी 6:10 - थुलुङ राई

¹⁰ खुचु़वामिम, रारी बेपामिम, डु़सेवामिम डक्‍साका जेपामिम वाङमिमलाई रोट्‌पामिमका माम्‍चु़नीकु किब्‍दी मेल्‍वामी।

१ कोरिन्थी 6:10 Referans Kwoze

१ कोरिन्थी 5:11

लावो उहेमका उ त्‍वाप ख्रीष्‍टडा थो़रलु़पा र्‍वा मा वो नाम्‍सु़रु़ बु़, रारी बु़, ङाटा सेव साडु़, वाङमिमलाई डक्‍साका जे, छो़म डु़सेवा बु मा वाङमिमलाई रोडु़मी, मेप्‍माम मु़चु़नुङ कोदेप मेबानी र्‍वाक्‍साका र्‍याक्‍तोम बाइडा। पोमु-डुमुङा वो मेप्‍माम मु़चु़नुङ मेपेनी।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

१ पत्रुस 4:15

गानी दु़खा ल्‍वानी माला मु़चु़ सेट्‌पा, खुपा, मेजो़पा खारी बेपा, वाङमिमकु खारीडा थेट्‌पा लिसिक्‍पा होङङा दु़खा मेल्‍वानी।

मत्ती 23:33

“गानी ब्‍लोमिम नुङ ङेनुङमा ब्‍लोकु चो़मिम, गानी खादीगोयु़ लक्‍पा देन्‍देडाम हेसाका प्‍लु़न्‍सिनी मा?

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 21:19

लाम्‍दी फार्डा गुमीका कोले बैससीकु धक्‍सा ल्‍वाम्‍डी। मेरामकु मा बु डे र्‍वाक्‍साका गुमी मेसिन्‍डा लम्‍डी, लावो उ ब्‍लाम कोङङा बाइडा। मेकोतिमा गुमीका मे धक्‍सालाई र्‍वाम्‍डी, “आथाडा आनो हेल्‍लो वो इमा मा मेसिट्‌नु़।” मेम्मा बैससीकु धक्‍सा साट्‌ल्‍याड्‌डा।

थु़र्मा 20:32

“आथा गो गानीलाई माम्‍चु़नीकु ल्‍वाड्‌डा नुङ उनी दिदामकु सिजेमडा जु़ल्‍निनी, मेरामलामका माम्‍चु़नीका इनीमा थो़र बर्बेत्तो लमी, मा उनी त्‍वाकु मु़चु़मिमगोडा जि ल्‍वापा दु़म्‍बेनी।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।