१ कोरिन्थी 5:9 - थुलुङ राई

⁹ नाम्‍सु़रु़ बेपामिमनुङ कोदेप मेबानी र्‍वाक्‍साका गो गानीलाई आमा सेलाखाजेमडा र्‍याक्‍तोम बाइडा।

१ कोरिन्थी 5:9 Referans Kwoze

एफिसी 5:11

हाम वो जो़पा मेदु़म्‍पा तुकुम्‍चिमकु खारी बेपा मु़चु़मिमनुङ मेलाम्‍दिनी, लावो मेराम खारी ने मेजो़पा र्‍वाक्‍साका मु़चु़मिमलाई रेम्‍बेपा दु़म्‍नी।

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

२ कोरिन्‍थी 6:14

थो़र मेबेपा मु़चु़मिमनुङ कोले जुवागोडा मेहुनी। हेङालोने जो़पा नुङ मेजो़पाकाम हेमकेम मेदु़म। तुकुम्‍चिम नुङ ओल कोदेप दु़म्‍मु मेचाम्‍ची।

१ कोरिन्थी 5:7

ओ ङादोम छु़लकु लङखाम गानी पार्नी, मेम्साका गानी लङखाम मान्‍थिम जो़पा लाले फुला होङ्‍ङा सेपा दु़म्नी, आच्‍छाङा गानी मेप्‍माम ङा बुनी। हेङालोने ख्रीष्‍ट ने गुइलाई सेल्मु लागि सासेन्‍सिम्‍डिम बु, गुमीङा इकीमा सेल्सिमुनेम चाडकाम भेन्‍दाचो़ सो़।

१ कोरिन्थी 5:2

लावो गानी ने इनी त्‍वापङा डोक्‍पु लिन्‍सिनी! गानी ने इनी न नो़मु मेबासावा रे, मेम्‍मा आरेप्‍माम खारी बेपा मु़चु़लाई इनी सामा-घ्रो़म्‍सीलामका ख्‍लुमु मेबासावा?

२ कोरिन्‍थी 6:17

मेम्‍मिमका मिप्रङमाका आरे र्‍वामी, “मेर्मिमलामका लुक्‍नीमा बिक्‍नी, मा मेर्मिमडाम वाङ बानी। मेसेपा हाम वो मेलु़प्‍नी, मा गो गानीलाई रनिनी।

१ कोरिन्थी 5:10

मेराम र्‍वाक्‍मा ओराम सु़म्‍दिसेरडाम नाम्‍सु़रु़ बेपामिम, रारी बेपामिम, मु़चु़लाई रोट्‌पामिम, ङाटा सेव साट्‌पामिमनुङ कोदेप मेबानी र्‍वाङ्‍डोम मेएँ। मेम माला ने गानी सु़म्‍दिसेरलाम पाखा लुमु बासावा।