१ कोरिन्थी 5:8 - थुलुङ राई

⁸ मेम्‍मिमका गुइ ङादोम मेजो़पा खारी नुङ छु़लनुङङा ङादोम लङखामकु सो़बेम पेसाका मेएँ, लावो लङखाम मेङोल्‍मा थो़रलु़इमिम नुङ आच्‍छाङाकाम सो़बेम पेसाका चाड मानेबिइ।

१ कोरिन्थी 5:8 Referans Kwoze

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

मर्कूस 8:15

येशूका उनीमा सीसिपामिमलाई आरे र्‍वाम्‍डिमा बाबेट्‌मिडी, “मामा सो़! गानी फरिसीमिम नुङ हेरोदकु लङखामडाम वाङ बानी वो।”

मत्ती 16:6

येशूका मेर्मिमलाई र्‍वाम्‍डी, “मामासो़! फरिसी नुङ सदुकीमिमकु लङखामडाम चङचङया बानी वो।”

१ पत्रुस 4:2

मेम्‍मा आथाडा आनो गु सु़म्‍दिसेरडाम मेजो़पा उ न होम्‍साका मेदो, लावो माम्‍चु़नीकु न होम्‍साका दो।

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

१ कोरिन्थी 5:6

गानी डोक्‍पु लिन्‍सिनिमिम ने जो़पा मेएँ। कतिकलङ लङखामका ङोल्‍मा फुला खोत्‍लेङा लङखामनुङमा दु़म्‍बेडु़ र्‍वाक्‍पा हाम गानी मेचनी?

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

मत्ती 16:12

मेकोतिमा सो़बेमडा फिकिमिम लङखामडाम मेएँ, फरिसीमिम नुङ सदुकीमिमकु सीसिडाम येशूका चङचङया बानी र्‍वाम्‍डिम रेछा र्‍वाक्‍पा मेर्मिमका थेसिथेट्‌मिडी।

२ कोरिन्‍थी 8:8

गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

१ कोरिन्थी 5:1

गानीगोडाम कोङनिमका नाम्‍सु़रु़ बेन्‍निम बु ए र्‍वाक्‍पा ल्‍वा गो थो़उतोम बु, मा गानीगोडाम कोलेका उमा रेन्दु़मो माम ङा जु़ल्‍लु़म बु ए। आरेप्‍माम नाम्‍सु़रु़ ने वाङसामामिमगोडा वो मेदु़म।

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।