१ कोरिन्थी 5:13 - थुलुङ राई

¹³ मण्‍डलीडाम वाङमी मु़चु़मिमकु निया माम्‍चु़नीका बोमी। माम्चु़नीकु सिजेमका र्‍वा, “गानीगोलामका रु़चो़ मु़चु़लाई ख्‍लुन्‍सोट्‌नी।”

१ कोरिन्थी 5:13 Referans Kwoze

मत्ती 18:17

गुका इनीमा वो ल्‍वा मेबिसावा माला मण्‍डलीनुङ सो़या। मण्‍डलीका र्‍वामिम वो मेरामका थो़मु मेबिसावा माला मेरामलाई माम्‍चु़नीडा थो़रमेलु़पा वाङसामा होङङा लोवो कर फक्‍पा मेजो़पा छु़लचो़ होङङा लोवो बेनी।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।

१ कोरिन्थी 5:7

ओ ङादोम छु़लकु लङखाम गानी पार्नी, मेम्साका गानी लङखाम मान्‍थिम जो़पा लाले फुला होङ्‍ङा सेपा दु़म्नी, आच्‍छाङा गानी मेप्‍माम ङा बुनी। हेङालोने ख्रीष्‍ट ने गुइलाई सेल्मु लागि सासेन्‍सिम्‍डिम बु, गुमीङा इकीमा सेल्सिमुनेम चाडकाम भेन्‍दाचो़ सो़।

१ कोरिन्थी 5:1

गानीगोडाम कोङनिमका नाम्‍सु़रु़ बेन्‍निम बु ए र्‍वाक्‍पा ल्‍वा गो थो़उतोम बु, मा गानीगोडाम कोलेका उमा रेन्दु़मो माम ङा जु़ल्‍लु़म बु ए। आरेप्‍माम नाम्‍सु़रु़ ने वाङसामामिमगोडा वो मेदु़म।

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

१ कोरिन्थी 5:2

लावो गानी ने इनी त्‍वापङा डोक्‍पु लिन्‍सिनी! गानी ने इनी न नो़मु मेबासावा रे, मेम्‍मा आरेप्‍माम खारी बेपा मु़चु़लाई इनी सामा-घ्रो़म्‍सीलामका ख्‍लुमु मेबासावा?