१ कोरिन्थी 5:1 - थुलुङ राई

¹ गानीगोडाम कोङनिमका नाम्‍सु़रु़ बेन्‍निम बु ए र्‍वाक्‍पा ल्‍वा गो थो़उतोम बु, मा गानीगोडाम कोलेका उमा रेन्दु़मो माम ङा जु़ल्‍लु़म बु ए। आरेप्‍माम नाम्‍सु़रु़ ने वाङसामामिमगोडा वो मेदु़म।

१ कोरिन्थी 5:1 Referans Kwoze

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 2:21

गो गुलाई माम्‍चु़नीथो़ ख्‍लोम्‍सिमु जो़पा थारी ग्‍वाक्‍तो, लावो गुका वाङमिम वोस्‍चो़नुङ अम्‍मु डिन्‍मु न मेबु़वा।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

एफिसी 5:3

माम्‍चु़नीकु सेपा मु़चु़ दु़म्‍निमका गानी नाम्‍सु़रु़, रारी बेपा मा खोत्‍लेखालकाम मेसेपा ल्‍वाकु नङ वो मेरनी।

गलाती 5:19

मु़चु़मिमकु नगोडाम मेजो़पा को-कोक्‍सी ने ओर्मिमङा सो़– नाम्‍सु़रु़ बोमु, मेसेपा नका बुमु-दोमु, वाङमिमकु नाइमेनुङ अम्‍मु,

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

२ कोरिन्‍थी 12:21

गो आथावो इनीमाडा रोङुलो गानी मेजो़पा खारी बेन्‍निमका माम्‍चु़नीडा आमा क्रो़म लु़ र्‍वाक्‍पा ङिम लु़। मेम्‍मा ङादो छु़ल बेपा हापा मु़चु़मिमका आथावो त्‍वाका बेम्‍डिम घ्रामलु़पा खारी, नाम्‍सु़रु़ नुङ वाङमिम मेसेमनुङ अमअम द्‌वाक्‍पा नलाम मेख्‍लोसिप्‍मिवामका गो ख्राम्‍मु बासी डे र्‍वाक्‍पा गोलाई ङिम लु़डाम बु।

१ कोरिन्थी 6:18

नाम्‍सु़रु़ मेबेनी। मु़चु़का वाङमिम हेप्‍माम छु़ल बु़ लोवो मेराम मिरो़मकु पाखालाममिम दु़म, लावो नाम्‍सु़रु़ बेपा मु़चु़का उ त्‍वाकु मिरो़मकाम कोर्थो़लाम छु़ल बु़।

१ कोरिन्थी 6:13

गानी आरे वो र्‍वाक्‍नी, “पोमु-डुमु ख्‍वाचेपकाम लागि, मा ख्‍वाचेप पोमु-डुमुकाम लागि।” ओराम आच्‍छाङा, लावो माम्‍चु़नीका निफिङा पुयु़लुबेन्‍मी। मिरो़म नाम्‍सु़रु़ बोमु लागि मेएँ, लावो ङाचो़काम लागि सो़, मा ङाचो़ मिरो़मकाम लागि सो़।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

१ कोरिन्थी 5:11

लावो उहेमका उ त्‍वाप ख्रीष्‍टडा थो़रलु़पा र्‍वा मा वो नाम्‍सु़रु़ बु़, रारी बु़, ङाटा सेव साडु़, वाङमिमलाई डक्‍साका जे, छो़म डु़सेवा बु मा वाङमिमलाई रोडु़मी, मेप्‍माम मु़चु़नुङ कोदेप मेबानी र्‍वाक्‍साका र्‍याक्‍तोम बाइडा। पोमु-डुमुङा वो मेप्‍माम मु़चु़नुङ मेपेनी।

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”

थु़र्मा 15:20

लावो मेर्मिमलाई ओराम ल्‍वा र्‍याकिमा थु़र्सी– ङाटाकु नङ बेम्‍मामिम हाम वो मेपेनी, नाम्‍सु़रु़ मेबेनी, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि मेपेनी।

२ कोरिन्‍थी 7:12

कोङनिमका मेजो़पा खारी बु़डु़मका मा कोङनिमकु न नो़डामका गो मेराम सेलाखाजेम र्‍याक्‍तोम मेएँ, लावो गानी आकीमा दुथाम हाङकोम न सोनिमिम बु मेराम माम्चु़नीकु ङादोडा गानी इनी त्‍वाकाङा रेम्‍मु चाम्‍निनु़ र्‍वाक्‍साका र्‍याक्‍तोम।

१ कोरिन्थी 1:11

हेङालोने आमा वा-ल्‍वाकनी, गानीगोडा रिबुसी गस्‍ताम बु ए र्‍वाक्‍साका क्‍लोएकु नेमडाममिमगोडाम कोङनिमका गोनुङ सो़म्‍डिम बु।

२ कोरिन्‍थी 2:5

गानीगोडाम कोङनिमका न नो़बेड्‌डु़ माला आमा कोङङा मेएँ गानी खोत्‍लेकाम छो़म न नो़बेड्‌डु़।