१ कोरिन्थी 4:6 - थुलुङ राई

⁶ वा-ल्‍वाकनी, गो गानीलाई “जो़होमका बुमु बासी” र्‍वाक्‍साका र्‍याक्‍मा ल्‍वा थेसीथेन्‍बेन्‍मु लागि आमा नुङ अपोल्‍लोसकु दुथाममिम ल्‍वा गो सो़उतोम बु। आरेसाका कोले कोङमीलाम बासिक्‍साका कोङमीलाई छेमछेम दुमु जो़पा मेएँ।

१ कोरिन्थी 4:6 Referans Kwoze

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

२ कोरिन्‍थी 12:6

गो डोक्‍पु लिसिमु मालु माला वो गो नेप्‍ची मान्‍थिम मेदु़म्‍ङु, हेङालोने गो आच्छाङाकाम ल्‍वा जेत्तोङा लेट्‌पु। लावो गो डोक्‍पु मेलिसिङु, मा गो हाम बेउ, हाम र्‍वाङु मेरामडाम वो डोक्‍पु सु़का वो गोलाई मेलु़मिनु़।

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

१ कोरिन्थी 5:6

गानी डोक्‍पु लिन्‍सिनिमिम ने जो़पा मेएँ। कतिकलङ लङखामका ङोल्‍मा फुला खोत्‍लेङा लङखामनुङमा दु़म्‍बेडु़ र्‍वाक्‍पा हाम गानी मेचनी?

१ कोरिन्थी 3:19

हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

२ कोरिन्‍थी 10:15

वाङमिमका बेम्‍डिम खारीडा गुकु आकी त्‍वाका बेत्तोकोम र्‍वाक्‍साका डोक्‍पु मेलिसिन्‍कु। लावो इनीमा थो़र बर्तो ललो गानीगोडा दु़म्‍पा आकीमा खारी वाङमिम खोमथो़ वो बर्तो लनु़ र्‍वाक्‍पा आकीमा न बु।

२ कोरिन्‍थी 10:12

त्‍वाकु नङ त्‍वाकाङा कोक्‍पा याङ मु़चु़मिमनुङ गुकु आकी त्‍वापलाई कोलेङा र्‍वाक्‍पा मिम्‍मु नुङ थो़म्‍मु सामाका मेफारु़। मेर्मिम उनी त्‍वाका बनेबेम्‍डिम थो़प्‍सी होम्‍साकाङा उनी त्‍वाका त्‍वापलाई छाम्‍साका जु़ल्‍मी मा त्‍वाकाङा त्‍वापलाई थो़प्‍मी माला मेर्मिम मु़चु़ नेप्‍ची मान्‍थिम दु़म्‍मी।

१ कोरिन्थी 13:4

रिखाम इम्‍मु चापा नुङ न-थो़मनुङमा दु़म। रिखामका नाचु़र मेबु़, डोक्‍पु मेलिसी, नो़ मेल्‍वाक्‍थाडु़।

१ कोरिन्थी 9:23

जो़पा-सेलाकु जि-वामिमकाम दो़दो़वा ल्‍वाउनु़ र्‍वाक्‍साका गो ओर्मिम खोत्‍ले बेउ।

१ कोरिन्थी 5:2

लावो गानी ने इनी त्‍वापङा डोक्‍पु लिन्‍सिनी! गानी ने इनी न नो़मु मेबासावा रे, मेम्‍मा आरेप्‍माम खारी बेपा मु़चु़लाई इनी सामा-घ्रो़म्‍सीलामका ख्‍लुमु मेबासावा?

१ कोरिन्थी 3:21

मेम्‍मिमका मु़चु़का बोमु चाप्‍सु़मिम खारीडा उहेमका वो उ नो़ मेल्‍वाक्‍थाट्‌नु़। हेङालोने खोत्‍ले ल्‍वा इनीमाङा सो़।

१ कोरिन्थी 1:31

मेम्‍मिमका माम्‍चु़नीकु सिजेमडा आरेसाका र्‍याक्‍मा बु, “उहेम मु़चु़ डोक्‍पु लिसी, ङाचो़डा कोङङा डोक्‍पु लिसिनु़।”

१ कोरिन्थी 1:19

माम्‍चु़नीकु सिजेमका आरेसाका र्‍वा, “ननुङमा मु़चु़मिमकु न गो डाम्‍साक्‍पुमी, मा नेप्‍चीनुङमामिमकु उनी नेप्‍ची हाम ना हामकाम दु़म्‍बेट्‌पु।”

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।