१ कोरिन्थी 4:4 - थुलुङ राई

⁴ गो हाम वो ख्‍लो़त्तोम मिबु होङङा लु़ङु, लावो गो आच्‍छाङा मुमा बेन्‍ला सो़सिङडोम मिबु र्‍वामु मालुमिम ने मेएँ। आमा निया बेपा ने ङाचो़ बुमी।

१ कोरिन्थी 4:4 Referans Kwoze

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।

थु़र्मा 23:1

पावलका मे डोक्‍पु घ्रो़म्‍दीथो़ किकिर्या रेप्‍डु़मा र्‍वाक्‍ता, “वा-ल्‍वाकनी, आनेपसम्‍म गो माम्‍चु़नीकु ङादोडा खोत्‍ले ल्‍वाडा जो़पा न-गोका ङा गो उनीमा खारी बेउतोम बु।”

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

रोमी 4:2

आच्‍छाङा अब्राहामका त्‍वाका बु़डु़म खारी मुमा मान्‍थिम दु़स्‍तालो डोक्‍पु लिम्‍सिमु चाप्‍सु़वा। लावो माम्‍चु़नीकु ङादोडा ने मेएँ।

१ कोरिन्थी 4:3

गानी लोवो वाङमिम मु़चु़का लोवो आमा लागि निया बोनिमिम ने आमा लागि हाम वो मेएँ। गो आ त्‍वाकाङा वो त्‍वाकु निया मेबेउ।