१ कोरिन्थी 4:21 - थुलुङ राई

²¹ गानी हाम द्‌वानी? गो गानीलाई याल्डा डु़लु़म्‍चो़ रेन्मु डे गो याक्‍के दु़म्‍साका रिखाम रेन्‍मु?

१ कोरिन्थी 4:21 Referans Kwoze

२ कोरिन्‍थी 13:2

गो ङादो नकखेपमिम खेपडा गानीनुङ बाङडोलो गानीलाई ङिम साट्‌निनिम बाइडा। ओम्‍लो गानीनुङ मेबुङु लोवो मेरामङा ल्‍वा र्‍वाङु: गो आथावो रोङुलो ङादो छु़ल बेपामिम सु़लाई लोवो गो मेडिट्‍पुमी।

१ थेसलोनिकी 2:7

गुकु ख्रीष्‍टकु थु़र्मा दु़म्‍साका वो गानीलाम डोक्‍पु बेला मेसो़सिट्‌कुवा। लावो त्‍वाकु चो़च्‍चो़मिमलाई डु़ल्‍पा माम होङङा गानीगोडा गुकु याक्‍के दु़म्‍तोको।

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 2:3

गो रोङुलो आमा न भ्रसिबेन्‍मु बासिक्‍पा मु़चु़मिमका आमा न नो़मेबेन्‍मिनु़ र्‍वाक्‍साका ङादोम सेलाखाजेम गो र्‍याक्‍तोम सो़। आमा न भ्रसिलो इनीमा वो न भ्रसी र्‍वाक्‍पा गो थो़र लु़ङ्‌डोम बाइडा।

२ कोरिन्‍थी 1:23

माम्‍चु़नीलाई आमा दुथाम सो़पा मिम्‍साका गो आच्‍छाङा र्‍वाङु, गानीलाई आथावो हापा दु़खा मेग्‍वानिनी र्‍वाक्‍साका गो कोरिन्‍थडा ख्‍लोसिक्‍साका मेरोङुवा।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

२ कोरिन्‍थी 10:6

गानी माम्‍चु़नीका र्‍वामिमिम होङङा बेपा दु़न्‍निमिम चङडा गुमीका र्‍वामिमिम होङङा मेबेपा खोत्‍लेलाई गुकु देन्‍दे ग्‍वाकु।

२ कोरिन्‍थी 2:1

इनीमा न मेनो़बेट्‍पुनु़ र्‍वाक्‍साका गो इनीमाडा आथावो चक्‍थो़ मेरोक्‍पा मुलु़ बेउतो।

२ कोरिन्‍थी 10:8

ङाचो़का गुकुलाई ग्‍वाक्‍तिकिमिम ओराम साखाम गानीलाई पुयु़लुबेन्‍मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्‍पु लिसिङडो लोवो आमा क्रो़म मेलु़।

२ कोरिन्‍थी 3:10

ओराम यु़म-झ्‍वाक्‍सी छो़म झ्‍वाक्‍पा बाइडामका ङादोम यु़म झ्‍वाक्‍सी ने मेकोतिङा दाम्‍स्‍तामा लस्‍ता।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

१ कोरिन्थी 4:18

गो इनीमाडा मेरोङु र्‍वाक्‍पा मिम्साका गानीगोडाम कोङनिम डोक्‍पु लिन्‍सिनिमिम बु।

२ कोरिन्‍थी 12:18

गो तीतसलाई इनीमाडा लमु र्‍वाक्‍साका छो़म र्‍वाङडो मा कोले ल्‍वाकलाई वो गुनुङ थु़र्तो। तीतसका लिमा थेसाका गानीलाम हाम-हुम रङडु़ मा? गुचुकु कोलेङा न नुङ कोलेङा बेसी-दोसीका मेबेचुकुवा मा?

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।