१ कोरिन्थी 4:2 - थुलुङ राई

² मेम्‍मा आरेसाका खुन्‍चु़म ग्‍वाक्‍मा मु़चु़ थो़र लु़इमिम दु़म्‍मु बासी।

१ कोरिन्थी 4:2 Referans Kwoze

मत्ती 25:21

“नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

मत्ती 25:23

“उ नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

कलस्‍सी 4:17

अर्खिप्‍पसलाई आरे र्‍वाक्‍नी: “ङाचो़ येशूका गानालाई बेबेट्‌नामिम खारी बेसोका।”

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

कलस्‍सी 1:7

गानी माम्‍चु़नीकु दिदामकु जो़पा-सेला आकीमा द्‌वादीबुङ ङोप्‍सो़ इपाफ्रासलामका थो़न्‍नी। गुकु होङङा गु वो ख्रीष्‍टकु खारी बेपाङा सो़। गु आकीमालाममिम थो़र लु़इमिम ख्रीष्‍टकु खारीचो़ सो़।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

कलस्‍सी 4:7

तुखिकसका आमा दुथाममिम खोत्‍ले सेलामिम गानीनुङ सो़यु़। गु ङाचो़काम लागि खारी बोमुडा थो़रलु़इमिम नुङ गोनुङ कोयो खारी बेपा आमा द्‌वादीबुङ थो़र लु़पा ल्‍वाक सो़।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

१ कोरिन्थी 4:1

गुकु ख्रीष्‍टकु डु़ल्‍चो़ नुङ माम्‍चु़नीकु दुथाम थक्‍मा आच्‍छाङाकाम ल्‍वा सो़मु खुन्‍चु़म ल्वापा मु़चु़ र्‍वाक्‍साका मु़चु़मिमका गुकुलाई मिम्‍मु बासी।

१ कोरिन्थी 4:3

गानी लोवो वाङमिम मु़चु़का लोवो आमा लागि निया बोनिमिम ने आमा लागि हाम वो मेएँ। गो आ त्‍वाकाङा वो त्‍वाकु निया मेबेउ।