१ कोरिन्थी 4:19 - थुलुङ राई

¹⁹ लावो माम्‍चु़नीका न बेम्‍डी माला गो इनीमाडा दालाङा रोङु, मा मे डोक्‍पु लिसिक्‍पा मु़चु़मिमका जेम्‍डिम ल्‍वा कोङङा मेएँ मेर्मिमकु यु़म हाम रेछा मेराम रेपु।

१ कोरिन्थी 4:19 Referans Kwoze

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

हिब्रू 6:3

मेम्‍मा माम्‍चु़नीका न बेम्‍डी माला थेट्‌पा नुङ बोमु चापा सीसिथो़ लमु चाप्‍सी।

२ कोरिन्‍थी 1:23

माम्‍चु़नीलाई आमा दुथाम सो़पा मिम्‍साका गो आच्‍छाङा र्‍वाङु, गानीलाई आथावो हापा दु़खा मेग्‍वानिनी र्‍वाक्‍साका गो कोरिन्‍थडा ख्‍लोसिक्‍साका मेरोङुवा।

१ कोरिन्थी 11:34

कोङनिम मु़चु़ क्रु़म सिपा बु माला गुका नेमडाङा पु़नु़, मेम्‍साका गानी कोदेप घ्रो़म्‍निलो गानीडला देन्‍दे मेरोनु़। वाङमिम ल्‍वाकु दुथाम गो रोङुमा सीनिनी।

१ कोरिन्थी 4:18

गो इनीमाडा मेरोङु र्‍वाक्‍पा मिम्साका गानीगोडाम कोङनिम डोक्‍पु लिन्‍सिनिमिम बु।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

रोमी 15:32

मेम्‍मा माम्‍चु़नीकु न होम्‍साका गो इनीमाडा गेर्सी द्‍वाक्‍तो रोङु मा कोयो-कोयो न-गो भ्रसिक्‍तो बुइनु़ र्‍वाक्‍साका सो़म्‍दी बेनी।

याकूब 4:15

मेम्‍मिमका गानी मेम मेर्‍वाक्‍साका आरे र्‍वामु बासिक्‍पा बाइडा, “माम्‍चु़नीका न बेम्‍डी माला गुइ जेडी, मा होप्‍माम-मेप्‍माम बिइ।”

१ कोरिन्थी 16:5

गो माकेडोनिया दु़म्‍साका लङुमिम चङडा इनीमाडा रोङु, हेङोलोने गो माकेडोनिया दु़म्‍तोङा लमु बासी।

१ कोरिन्थी 14:5

गानी खोत्‍लेका मे वाङ सामा ल्‍वाडा जेनी र्‍वाक्‍पा न बेउ, लावो मेरामडाम वो माम्‍चु़नीलाम जेनिमिम न बेउ। मण्‍डली यु़मनुङमा दु़म्‍तो लमुकाम लागि वाङ सामा ल्‍वाडा जेम्‍मा ल्‍वाकु दुथाम सो़मु चापा मु़चु़ सु़ वो मेबुमी माला वाङ सामा ल्‍वाडा जेमुडाम ने माम्‍चु़नीलाममिम जेसीङा जो़पा सो़।

थु़र्मा 20:2

मेसिन्‍डाम देलगुथाबाडे पावल लस्‍तामा थो़रलु़पामिमकु उनी सो हन्‍बेट्‌जो़ल्‍लु़मी, मा गु ग्रीसथो़ ख्‍लोसिड्‌डा।

१ कोरिन्थी 4:6

वा-ल्‍वाकनी, गो गानीलाई “जो़होमका बुमु बासी” र्‍वाक्‍साका र्‍याक्‍मा ल्‍वा थेसीथेन्‍बेन्‍मु लागि आमा नुङ अपोल्‍लोसकु दुथाममिम ल्‍वा गो सो़उतोम बु। आरेसाका कोले कोङमीलाम बासिक्‍साका कोङमीलाई छेमछेम दुमु जो़पा मेएँ।

१ कोरिन्थी 16:7

ओराम थारीका गानीनुङ घरिकोङ कोङङा घ्रो़म्‍साका लमु आमा न मिबु। ङाचो़कु न होङङा दु़स्‍ता माला इनीमाडा रोमुमा किचो़ हापाङा बुमु न बेउतोम बु।

२ कोरिन्‍थी 10:9

गो गानीलाई र्‍याक्‍तोम सेलाखाजेममिमका गानीलाई ङिमसान्‍मु माल्‍निनिम मेएँ।