१ कोरिन्थी 4:15 - थुलुङ राई

¹⁵ ख्रीष्‍टडा गानीलाई सीपा मु़चु़मिम ङार्मुङा मेझापा बुमी, लावो इनीमा पाप ने सेर्पा मेबुमी। गानीलाई जो़पा-सेला थो़बेसाका येशू ख्रीष्‍टडा गो इनीमा पाप दु़म्‍ङोडोम बु।

१ कोरिन्थी 4:15 Referans Kwoze

गलाती 4:19

आमा द्‌वादीबुङ चो़च्‍चो़ नी, गानी येशू ख्रीष्‍ट होम्‍मामङा मेदु़म्‍निमिमसम्‍म चो़च्‍चो़ गमु थारीका मेसेमलाई हिम्‍बा खेडु़मिम होप्‍माम दु़खा आथावो गो इम्‍पुमिम बु।

१ कोरिन्थी 3:10

माम्‍चु़नीका गोलाई दिदाम ग्‍वाङडिमिमका नेम बनेबेसी थेट्‌पा मु़चु़ होम्‍साका फार गत्तो मा कोङनिमका मेरामडला नेम बनेबु़। लावो मेरामडला बनेबेत्तो लक्‍पाका हेसाका बनेबोमु बासिक्‍पा मेराम ल्वाडा चङचङया बुमु बासी।

१ कोरिन्थी 9:23

जो़पा-सेलाकु जि-वामिमकाम दो़दो़वा ल्‍वाउनु़ र्‍वाक्‍साका गो ओर्मिम खोत्‍ले बेउ।

१ कोरिन्थी 9:14

मेम्‍साकाङा उहेमका जो़पा-सेला थो़बेन्‍मी, मेलामकाङा मेर्मिम डु़ल्‍सिमिनु़ र्‍वाक्‍साका ङाचो़ येशूका वो र्‍वाम्‍डी।

१ पत्रुस 1:23

सिपा भ्रल मेएँ लावो मेसिपा भ्रल, हेल्‍लो वो मेसिपा मा हेल्‍लो लोवो दु़म्‍पाम बाट्‌पा माम्‍चु़नीकु सिजेमलामका गानी आथावो गक्‍निम बु।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

फिलेमोन 1:19

गो पावल आमा ल्‍वाकाङा ओराम र्‍याक्‍तोङा लेट्‌पु। मे ओनेसिमसकु जेर गो ङा सोन्‍सानी। इमा त्‍वारो़मकाम लागि गाना आमा जेर हुन्‍नाम बु र्‍वाक्‍साका ने गो गानालाई र्‍वामु आमा न मिबु।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

१ कोरिन्थी 9:18

मेम माला गो हाम ल्‍वाउ? सु़नुङ वो खउलुङ मेरसाका जो़पा-सेला थो़बेन्‍मु ङा जि ल्‍वापा ल्‍वा सो़। मेम्‍मिमका जो़पा-सेला थो़बेट्‌पुमिलो गो ल्‍वामु बासिक्‍पा हेल्‍लो वो मेबिउ।

१ कोरिन्थी 9:12

वाङमिम मु़चु़का गानीलामका ख्‍लो़ला सो़म्‍सिमु ल्‍वामी माला हाम गुकु मेर्मिमडाम हापा ल्‍वामु बासिक्‍पा मेएँ मा? लावो गुकु ने मेम मेबेकुवा, येशू ख्रीष्‍टकु दुथाममिम जो़पा-सेला थो़बेन्‍मु मेभोम्‍सिनु़ र्‍वाक्‍साका गुकु खोत्‍ले इम्‍कु।

१ कोरिन्थी 3:6

गो भ्रल ख्‍लिउतो, अपोल्‍लोसका कु फिक्‍तु़, लावो माम्‍चु़नीकाङा बर्बेट्‌मिडी।

रोमी 15:20

वाङमिमका चो़म्‍मिडिम जगडला नेम बनेबोमु चो़म्‍मा होम्‍साका वाङमिमका जो़पा-सेला दो़मु चो़म्‍मिडिम खोमडा गो मेदो़उ। ख्रीष्‍टकु दुथाम थो़मुङा मेथो़मिवाम मा वाङमिमका जो़पा-सेला मेदो़मिवाम खोमडा कोङङा गो जो़पा-सेला दो़मु द्‍वाक्‍पु।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

१ कोरिन्थी 3:8

ख्‍लिपा नुङ कु फिक्‍पा निफिकाम खारी ने कोले ङा सो़। मेर्चिपका उची खारीकाम पुरस्‍कार ल्‍वाची।

१ कोरिन्थी 9:16

जो़पा-सेला थो़बेन्‍मुडा आमा धक्‍ची डोक्‍पु बेपा ल्‍वा हाम वो मिबु। ओराम गो थो़बेन्‍मुमि ङा बासी। जो़पा-सेला मेथो़बेट्‌पुमिवा माला ने गोडला वाइतो रोनु़।

१ कोरिन्थी 15:1

वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

गलाती 3:24

थो़रलामकाङा गुइ माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका येशू ख्रीष्‍ट मेयोक्‍थु़मसम्‍म मेराम डु़म्‍लाका गुइलाई जो़पा खारी बोमुडा क्रिसाड्‍डाम बाइडा।

गलाती 3:25

लावो आथा ने येशू ख्रीष्‍टडा गुइ थो़र बिइडिमका डु़म्‍लाका गुइलाई क्रिमु मेबासी।