१ कोरिन्थी 4:14 - थुलुङ राई

¹⁴ गानीलाई इनी क्रो़म लु़बेन्‍मु र्‍वाक्‍साका गो ओराम र्‍याक्‍तो बेउमिम मेएँ, लावो आमा द्‌वादीबुङ चो़च्‍चो़लाई होम्‍साका लु़म्‍ला बेन्‍मु लागि सो़।

१ कोरिन्थी 4:14 Referans Kwoze

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

३ यूहन्‍ना 1:4

आमा चो़च्‍चो़मिम आच्‍छाङाकाम ल्‍वाडा बुमिम बुमी र्‍वाक्‍पा ल्‍वा थो़मुडाम डोक्‍पु गेर्सीसी आमा लागि हाम दु़म मा?

१ कोरिन्थी 9:15

लावो गो ल्‍वामु बासिक्‍पा ओर्मिम ल्‍वामिम कोले वो रउतोम मिबु, मा आमा लागि आरेप्‍मामङा बेङसाङनी र्‍वाक्‍साका गो ओर्मिम ल्‍वा र्‍याक्‍तोम मेएँ। ओर्मिम ल्‍वामिम हाम वो मेरसाका ङाचो़कु लाले पाङके बोमु आमा लागि धक्‍ची ह्‌वामु सो़, मेराम धक्‍ची ह्‌वामुलाई कोङनिमका भोम्‍मी माला ने आमा लागि सिमुङा जो़पा दु़म।

१ कोरिन्थी 4:15

ख्रीष्‍टडा गानीलाई सीपा मु़चु़मिम ङार्मुङा मेझापा बुमी, लावो इनीमा पाप ने सेर्पा मेबुमी। गानीलाई जो़पा-सेला थो़बेसाका येशू ख्रीष्‍टडा गो इनीमा पाप दु़म्‍ङोडोम बु।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

२ कोरिन्‍थी 11:11

हेङा गो आरे बेउतोम? गो गानीलाई रिखाम मेबोनिनिमिमका मा? गो गानीलाई रिखाम बोनिनी र्‍वाक्‍पा ल्‍वा माम्‍चु़नीका चमी।

२ कोरिन्‍थी 7:3

गानीलाई मुमा बेन्‍मु लागि गो आरे र्‍वाङुमिम मेएँ। गानीलाई ङादोङा र्‍वाङ्‌डोम बाइडा, गानीलाई गुकु छो़म रिखाम बोकु, गानीनुङ सिमु वो चाम्‍कु मा नु़मु वो चाम्‍कु।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

१ कोरिन्थी 6:5

इनी क्रो़म लु़बेन्‍मु लागि गो गानीलाई र्‍वाङु। वा-ल्‍वाककु रिबुसीडा न-थो़म घ्रो़म्‍बेन्‍मु चापा नेप्‍चीनुङमा मु़चु़ गानीगोडा सु़ वो मेबुनी?

थु़र्मा 20:31

मेम्‍मिमका ओराम ल्‍वा मिम्‍निमा चङचङया बानी वो! गो हेसाका सु थसम्‍म नेम्‍फु-सिन्‍था ख्राप्‍तो खोत्‍ले मु़चु़मिमलाई चङचङया बाबेत्तोमिम बाइडा।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

फिलेमोन 1:10

ओराम चसिखोपगोडा गो ओनेसिमसलाई येशू ख्रीष्‍टडा थो़र लु़बेत्तोमका गु आमा तारापाचो़ होप्‍पाम दु़स्‍ताम बु। मेम्‍मिमका गुडला न-थो़म रेम्‍बे र्‍वाक्‍साका छो़म र्‍वाङु।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।