१ कोरिन्थी 4:12 - थुलुङ राई

¹² आकी पोमु-डुमुकाम लागि आकी त्‍वाकु ल्‍वाका ब्राम्‍दु़ल्‍वा बोकु। मु़चु़मिमका वाइतो बेन्‍किमिलो गुकु जि-वा ग्‍वाकु। मु़चु़मिमका आकी थो़मतेर्मिलो इम्‍सिन्कु।

१ कोरिन्थी 4:12 Referans Kwoze

१ पत्रुस 3:9

मेजो़पा बेपालाई मेजो़पा मेबेनी मा डक्‍साका जेपालाई डक्‍साका मेजेनी, लावो मेर्मिमलाई जि-वा ग्‍वाक्‍नी। हेङालोने माम्‍चु़नीका गानीलाई जि-वा ग्‍वामु लागिङा येट्‌निम सो़, मेम्‍साका गानी जि-वा ल्‍वानी।

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

रोमी 12:14

गानीलाई दु़खा ग्‍वाक्‍पामिमलाई जि ग्‍वाक्‍नी, लावो वाइतो मेबेट्‍नी।

रोमी 12:20

मिप्रङमाका र्‍वामी, “इनीमा स्‍वाक्‍चिमो मु़चु़ क्रु़म सिडाम बु माला मेरामलाई पोमु ग्‍वाक्‍नी, मेराम कोरा सिडाम बु माला मेरामलाई कु थो़ट्‍नी। आरे बोनिलो इनीमा स्‍वाक्‍चिमो मु़चु़काम क्रो़मका मुकु थु़र्मु बुसिमिम कोतिमङा दु़म।”

थु़र्मा 18:3

हेङालोने पावल वो मेर्चिप होप्‍माम ङा पाल बनेबेपा मु़चु़ बाइडा, गु मेर्चिपनुङ बासाका कोयोङा खारी बु़डु़।

लूका 6:28

सु़का गानीलाई वाइतो बेनी मेर्मिमलाई जि ग्‍वाक्‍निमी, सु़का गानीलाई मेजो़पा बोनी, मेर्मिमकाम लागि सो़म्‍दी बेनी।

१ पत्रुस 3:14

लावो माम्‍चु़नीकु न-गो होम्‍साका खारी बोनिलो वो दु़खा ल्‍वानी माला ने गानी आलाकाम सो़। मेर्मिमकु ङिमसासीडाम मेङिनी, मा इनी लो़ मेदाम्‍नु़।

१ पत्रुस 2:23

मु़चु़मिमका गुमीलाई डक्‍साका जेम्‍डिलो गुमीका मेर्मिमडला उनी छोक्‍चो मेहाट्‌मिवा। गुमीका दु़खा इम्‍मिडिलो सु़लाई वो ङिम मेसाट्‌मिवा। लावो जो़होमका निया बेपाकु ल्‍वाड्‌डा उनी त्‍वाप जु़ल्‍मिडी।

लूका 23:34

येशूका र्‍वाम्‍डी, “माम्‍चु़नी, ओर्मिम मु़चु़लाई पाचो ग्‍वाक्‍निमी, हेङालोने मेर्मिमका हाम बेत्तोङा लेन्‍मी मेराम मेचमी।” मेम्‍मा सिपाहीमिमका चिठ्ठा ओप्‍साका येशूकु ये-सेम दो़म्‍डी।

मत्ती 5:44

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

यूहन्‍ना 15:20

गो गानीलाई र्‍वाङडोम सिजेम मिम्‍नी, ‘डु़ल्‍चो़ नेमहपडाम डोक्‍पु मेदु़म।’ मेर्मिमका आमा ने थो़मतेर्मी माला इनीमा वो थो़मतेर्मी। मेर्मिमका आमा सीसि थो़मी माला इनीमा सीसि वो थो़मी।

यहूदा 1:9

डोक्‍पु पाह्रीचो़ मिखाएलका वो मोशाकु सिपा मिरो़मकु दुथाम शैताननुङ फइडालो गुलाई डक्‍साका जेत्तो मुमा बेन्‍मु मेचाप्‍साका आरे र्‍वाक्‍ताम बाइडा, “ङाचो़का गानालाई भुर्नामिनु़।”

१ तिमोथी 4:10

गुइ हेल्‍लो लोवो बुमिमिम माम्‍चु़नीलाम हाम-हुम ल्‍वापा न बिइमिम बु, गुमी ने खोत्‍लेकाम सेल्‍पा मा मेरामडाम वो थो़र लु़पामिमलाई सेल्‍पा सो़। मेम्‍मिमका गुइ ब्राम्‍दु़ल्‍वा नुङ मेझापातो खारी बिइमिम बु।

२ थेसलोनिकी 3:8

गुकु खउलुङ मेसोक्‍साका सु़काम वो मेडे मेपेसाक्‍कुवा-मेडुसाक्‍कुवा। लावो गानी सु़लाई वो दु़खा मेग्‍वामु र्‍वाक्‍साका नेम्‍फु-सिन्‍था खारी बेत्तोको।

१ थेसलोनिकी 2:9

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।

१ कोरिन्थी 9:6

डे हाम गो नुङ बारनाबासका कोङङा आची ख्‍वाचेप डु़ल्‍मु लागि खारी बोमु बासी मा?

थु़र्मा 20:34

ओराम ल्‍वाका ङा आ त्‍वाप मा गोनुङ बाट्‌पामिमलाई चाहेदु़म्‍पा खोत्‍ले बु़साड्‌डु़मिम गानी चनिमिम ङा बु।

१ पत्रुस 4:19

मेम्‍मिमका माम्‍चु़नीकु न होम्‍साका दु़खा ल्‍वापामिमका थो़रलु़इमिम प्रङपा माम्‍चु़नीकाडा उनी त्‍वापलाई ग्‍वामिनु़ मा जो़पा खारी बोमिनु़म बुमिनु़।

रोमी 8:35

गुइडला रोक्‍पा मिम्‍ताम-सो़र्ताम, दु़खा थारीका, ङिमलु़पा थारीका, पोमुकु दु़खाका, फम्‍सिमुकु दु़खाका, सेन्‍ला सो़सिपा थारीका, ङिमलु़पा थारीकु कातु़रु़का, ओर्मिम उहेम ल्‍वाका गुइलाई येशू ख्रीष्‍टकु रिखामलाम वाङ बोमु चाप्‍सा मा?

२ कोरिन्‍थी 11:8

गो इनीमा चापे-डुपे बोमु लागि वाङमी मण्‍डलीलामका खउलुङ रउतो। मेराम ने गानीलाई ख्‍लो़मु वाङमिम मण्‍डलीकु खउलुङ गो रोत्तोमिम होप्माम दु़स्‍ता।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।