१ कोरिन्थी 4:10 - थुलुङ राई

¹⁰ गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

१ कोरिन्थी 4:10 Referans Kwoze

१ कोरिन्थी 2:3

गो इनीमाडा मेचापा मा छो़म ङिमुका रुट्‌त्तो रोङडोम बाइडा।

थु़र्मा 26:24

पावलका आरेसाका उमा त्‍वाकु दुथाममिम ल्‍वा र्‍वाक्‍तो लेड्‌डु़लो ङा किब्‍दी साखामचो़ फेस्‍तसका डोक्‍पु लो़लामका र्‍वाक्‍ता, “पावल गाना इ न मान्‍थिम दु़म्‍नाम बु। हापा ल्‍वामिम सीन्‍सिट्‌नामका गाना इ न मान्‍थिम दु़म्‍नाम बु।”

थु़र्मा 17:18

इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।

१ पत्रुस 4:14

ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।

२ कोरिन्‍थी 13:9

गुकु हाम वो बोमु मेचापा बुकु, लावो गानी ने हाम लोवो बोमु चापा बुनिमिमका गुकु गेर्सी द्‌वाकु। गानी छो़म जो़पा दु़म्‍तो लक्‍नी र्‍वाक्‍साका गुकु सो़म्‍दी बोकु।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

२ कोरिन्‍थी 11:29

कोङनिम मेचापा दु़म माला गो वो मेचापा दु़म्‍ङु। कोङनिम मु़चु़का कोङनिमलाई छु़ल बेबेड्‌डु़ माला गो छोक्‍चोका मु होप्‍मामङा दु़म्‍ङु।

२ कोरिन्‍थी 11:19

नेप्‍ची मान्‍थिम मु़चु़मिमकु ल्‍वा गेर्सी द्‍वाक्‍तो थो़प्‍साक्‍पा गानी हाङको छो़म नेप्‍चीनुङमा मु़चु़मिम!

२ कोरिन्‍थी 10:10

“पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।

१ कोरिन्थी 10:12

गानी जो़होमका येम्‍सिक्‍पा बुङु र्‍वाक्‍पा मिम्‍नी माला चङचङया बानी, मेएँ माला ने तामु वो चाम्‍नी।

१ कोरिन्थी 4:8

गानी खोत्‍लेका छो़म लिन्‍ल्‍याट्‌निम बु ए! गानी खाप्‍चीनुङमा दु़म्‍निम बु ए! गुकु मान्‍थिङा गानी हप दु़म्‍निम बु ए! हाम गानी आच्‍छाङा हप दु़म्‍निवाम माला गुकु गानीनुङ साखाम मेथो़कुवा मा?

१ कोरिन्थी 3:2

गो गानीलाई दु़दु़ ग्‍वानिनी, डोमु मेझापा पोमु मेग्‍वानिनिवा, हेङालोने मेराम पोमु चापा मेबानिवा, आथावो गानी चाप्‍निम मिबु।

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

थु़र्मा 17:32

मेर्मिमका सिमुलाम बम्‍गेमुकु दुथाम थो़म्‍डी, मा याङ-याङका पावललाई रिम्‍साम्‍डी। लावो वाङमिमका ने “गुकु ओरामकु दुथाम आथावो थो़कु” र्‍वाम्‍डी।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

लूका 18:9

त्‍वाप माम्‍चु़नीकु न-गो होप्‍माम बुङु र्‍वाक्‍साका थो़रलु़पा मा वाङमिमलाई हाम ना हामकाम मिम्‍पा कोङ मु़चु़लाई येशूका ओराम सीसि-सो़म्‍दी र्‍वाम्‍डी,

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

मत्ती 24:9

“मेकोतिमा मु़चु़मिमका गानीलाई चु़म्‍नीमा इनीमा थो़मतेर्बेन्‍मी, मा सेन्‍बेन्‍मी। गोडला गानी थो़रलु़न्‍निमका खोत्‍ले सामामिमका गानीलाई मेद्‌वानिमी।

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

१ कोरिन्थी 1:23

लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

१ कोरिन्थी 1:25

हेङालोने माम्‍चु़नीकु नेप्‍ची मान्‍थिम मुलु़ बेम्‍डिम ल्‍वा मु़चु़मिमकु खोत्ले नेप्‍चीडाम वो सोनुङमा बु। माम्‍चु़नीकु मेचाप्‍सी ने मु़चु़मिमकु खोत्‍ले सोडाम सोनुङमा बु।

२ कोरिन्‍थी 6:8

मु़चु़मिमका डोक्‍पु बोकिमी लोवो याक्‍के बोकिमी लोवो, आकीमा नङ कोमि लोवो डकिमि लोवो गुकु माम्‍चु़नीकु लाले-पाङके बोकु। मु़चु़का गुकुलाई लु-फेलेचो़ बोकिमी, लावो थो़रलु़इमिम बुकु।

२ कोरिन्‍थी 4:12

मेम्‍मिमका गुकु राप्‍डा सित्तो गानीगोडा खारी बोकुलो गानी हेलो वो मेसिपा त्‍वारो़म ल्‍वानी।