१ कोरिन्थी 3:21 - थुलुङ राई

²¹ मेम्‍मिमका मु़चु़का बोमु चाप्‍सु़मिम खारीडा उहेमका वो उ नो़ मेल्‍वाक्‍थाट्‌नु़। हेङालोने खोत्‍ले ल्‍वा इनीमाङा सो़।

१ कोरिन्थी 3:21 Referans Kwoze

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

१ कोरिन्थी 4:6

वा-ल्‍वाकनी, गो गानीलाई “जो़होमका बुमु बासी” र्‍वाक्‍साका र्‍याक्‍मा ल्‍वा थेसीथेन्‍बेन्‍मु लागि आमा नुङ अपोल्‍लोसकु दुथाममिम ल्‍वा गो सो़उतोम बु। आरेसाका कोले कोङमीलाम बासिक्‍साका कोङमीलाई छेमछेम दुमु जो़पा मेएँ।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।