१ कोरिन्थी 3:18 - थुलुङ राई

¹⁸ सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

१ कोरिन्थी 3:18 Referans Kwoze

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

लूका 18:17

आच्‍छाङा गो गानीलाई र्‍वाङु, उहेम मु़चु़का चो़च्‍चो़काम होङङा न बेसाका माम्‍चु़नीडा थो़र मेबु़ मेराम हेल्‍लो वो माम्‍चु़नीकु किब्‍दीगोडा हुमु मेल्‍वासु़।”

मत्ती 18:4

मेम्‍मिमका उहेम ओराम चो़च्‍चो़ होप्‍माम याक्‍के दु़म, मेरामङा पाह्री-किब्‍दीडा डोक्‍पु दु़म।

मर्कूस 10:15

आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

१ यूहन्‍ना 1:8

गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

गलाती 6:7

इनी त्‍वाकाङा त्‍वापनुङ लु-फेले मेबेनी, माम्‍चु़नीनुङ लिमा थेन्‍मु मेचाप्‍सी। हेङालोने मु़चु़का ये-दडा हाम ख्‍लियु़ मेरामङा हकु़।

१ कोरिन्थी 15:33

मु़चु़मिमकु आरेप्‍माम ल्‍वाका गानीलाई ताङताहेरथो़ मेलनिमिनु़: “मेजो़पा मु़चु़मिमनुङ लाम्‍दिसीका जो़पा बादीखाम फाल्‍सी।”

रोमी 12:16

त्‍वाप-त्‍वापगोडा दु़साका बानी, इनी त्‍वापङा डोक्‍पु मेलिसिट्‍नी लावो खोत्‍लेनुङ याक्‍के दु़म्‍साका बानी मा त्‍वापङा हापा थेट्‍पा मेलिसिट्‍नी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

१ कोरिन्थी 3:17

कोङनिमका माम्‍चु़नीकु सो़रनेम पुयु़लुकु़ माला माम्‍चु़नीका वो मेरामलाई पुयु़लुबेन्‍मी। हेङालोने माम्‍चु़नीकु सो़रनेम सेपा दु़म मा मेराम सो़रनेम गानीङा सो़।