१ कोरिन्थी 3:16 - थुलुङ राई

¹⁶ गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

१ कोरिन्थी 3:16 Referans Kwoze

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

यूहन्‍ना 14:17

माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

१ यूहन्‍ना 4:12

सु़का वो हेल्‍लो वो माम्‍चु़नी ल्‍वाम्‍डिम मिबु, लावो गुइ रिखाम बेबिइडी माला माम्‍चु़नी गुइगोडा बुमी, मा गुमीका गुइगोडा बोमु न बोमिमिम होङङा उनीमा रिखाम दु़म।

रोमी 6:3

गुइ खोत्‍ले थो़रलु़पामिमका येशू ख्रीष्‍टडा कु-रु़दु़म रङ्‌डिम बु, मेम्‍मिमका गुमीनुङ कोले दु़म्‍साका गुइ वो सिइडी र्‍वाक्‍पा ल्‍वा हाम गानी मेचनी?

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

१ कोरिन्थी 9:13

सो़रनेमडा खारी बेपामिमका सो़रनेमलामका पोमु ल्‍वामी, मा सासेन्‍खोपडा लाले-पाङके बेपामिमका सासेन्‍खोपडा ग्‍वाक्‍मा ग्‍वा-ग्‍वालाममिम दो़दो़वा ल्‍वामी र्‍वाक्‍पा हाम गानी मेचनी?

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

१ कोरिन्थी 6:16

छो़लो़मानुङ अम्‍पा मु़चु़ मिरो़मडा मेरामनुङ कोले दु़म्‍ची र्‍वाक्‍पा ल्‍वा हाम गानी मेचनी? हेङालोने माम्‍चु़नीकु सिजेमडा र्‍याक्‍मा, “मेर्चिप निफिङा कोले दु़म्‍ची”

१ कोरिन्थी 5:6

गानी डोक्‍पु लिन्‍सिनिमिम ने जो़पा मेएँ। कतिकलङ लङखामका ङोल्‍मा फुला खोत्‍लेङा लङखामनुङमा दु़म्‍बेडु़ र्‍वाक्‍पा हाम गानी मेचनी?

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

१ कोरिन्थी 3:17

कोङनिमका माम्‍चु़नीकु सो़रनेम पुयु़लुकु़ माला माम्‍चु़नीका वो मेरामलाई पुयु़लुबेन्‍मी। हेङालोने माम्‍चु़नीकु सो़रनेम सेपा दु़म मा मेराम सो़रनेम गानीङा सो़।

१ तिमोथी 3:15

गो रोमु छु़ङ्‌डो माला माम्‍चु़नीकु नेमडा गाना हा-हाम बोमु बासी ओरामलामका थेना। ओराम नेम र्‍वाक्‍मा हेल्‍लो लोवो बुमिमिम माम्‍चु़नीकु मण्‍डली, माम्‍चु़नीलाम रोक्‍पा आच्‍छाङाकु सिजेम झेथाक्‍पा नुङ बाट्‌पाम बाट्‌पा थो़र लु़पामिम सो़।