Biblia Todo Logo
Bib sou entènèt

- Piblisite -




१ कोरिन्थी 3:12 - थुलुङ राई

12 कोङनिम मु़चु़का ओराम फारडला सो़ना, मत्तो, हापा थिकाम लुङ, सङ, लु़सु़ लोवो परालका लोवो नेम बनेबोमी माला,

Gade chapit la Kopi




१ कोरिन्थी 3:12
33 Referans Kwoze  

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।


मेर्मिम मेसेममिमका सीम्‍सिमु ने हेल्‍लो लोवो सीम्‍सिमी लावो माम्‍चु़नीकु दुथाम आच्‍छाङाकाम ल्‍वा हेल्‍लो वो थेसिमेथेट्‌मी।


डोक्‍पु नेमडा सङ नुङ क्‍वाकु सोजाम कोङङा मेदु़म, लावो सो़ना नुङ मतोकाम सोजाम वो दु़म। कोङनिम याक्‍के खारीडा मा कोङनिम डोक्‍पु खारीडा मोमु जु़ल्‍मा दु़म।


मे ब्रोलुङ हापा थिकाम बिल्‍लौरकाम बाइडा मा मे शहर ने सिसा होप्‍माम छ्‌याङलो-छ्‌याङलोम सो़नाकाम बाइडा।


मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।


मुका खारेबु़मिम लावो हुक्‍पामा लक्‍पा सो़नाडाम वो इनीमा थो़र हापा थिकाम बु। आरेप्‍माम दु़खाका इनीमा थो़र आच्‍छाङा र्‍वाक्‍पा रेम्‍बु़। मेराम हापा दु़खामिमलामका इनीमा थो़र भाल-आथो़ मेदु़म्‍पामा येशू ख्रीष्‍ट सु़म्‍दिसेरडा रेम्‍बेम्‍सिप्‍मिमिम नेम ओराम थो़रका इनीमा नङ कोक्‍सु़, यु़म झ्‍वाबेडु़ मा डोक्‍पु दु़म्‍बेनी।


मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।


खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।


लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।


कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,


मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।


वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।


द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।


गानीगोलामका ङा लिमा थेट्‌पा, मा ब्‍लो़पा मु़चु़मिम लुमी सो़! मेर्मिमका थो़रलु़पामिमलाई फ्‍वामिमा लमी।


गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।


हेङालोने येशू ख्रीष्‍टङा माम्‍चु़नीका गट्‌मिडिम नेमकु फार सो़। वाङमिम सु़का वो फार गन्‍मु मेचाप्‍सु़।


मेराम खारी निया दु़म्‍मिमनेम मुलामका जो़होमका रेम्‍बेसी। मेम्मा खोत्‍ले मु़चु़का हेप्‍माम खारी बेम्‍डिम बु मेराम मुका छाम्‍डु़।


Swiv nou:

Piblisite


Piblisite