१ कोरिन्थी 3:10 - थुलुङ राई

¹⁰ माम्‍चु़नीका गोलाई दिदाम ग्‍वाङडिमिमका नेम बनेबेसी थेट्‌पा मु़चु़ होम्‍साका फार गत्तो मा कोङनिमका मेरामडला नेम बनेबु़। लावो मेरामडला बनेबेत्तो लक्‍पाका हेसाका बनेबोमु बासिक्‍पा मेराम ल्वाडा चङचङया बुमु बासी।

१ कोरिन्थी 3:10 Referans Kwoze

१ कोरिन्थी 3:11

हेङालोने येशू ख्रीष्‍टङा माम्‍चु़नीका गट्‌मिडिम नेमकु फार सो़। वाङमिम सु़का वो फार गन्‍मु मेचाप्‍सु़।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

रोमी 15:20

वाङमिमका चो़म्‍मिडिम जगडला नेम बनेबोमु चो़म्‍मा होम्‍साका वाङमिमका जो़पा-सेला दो़मु चो़म्‍मिडिम खोमडा गो मेदो़उ। ख्रीष्‍टकु दुथाम थो़मुङा मेथो़मिवाम मा वाङमिमका जो़पा-सेला मेदो़मिवाम खोमडा कोङङा गो जो़पा-सेला दो़मु द्‍वाक्‍पु।

मत्ती 24:45

“उ नेमहपका नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

रेम्‍बेट्‌मिडिम ल्‍वा 21:19

मे शहरकु ब्रोलुङकाम उ फार हापा थिकाम लुङका बनेबेम्‍मा बाइडा। कोनोम उ फार बिल्‍लौरकाम, ननोम मामासे मणिकाम, सुनोम गिगिम लुङकाम, ब्‍लनोम पन्‍ना लुङकाम,

१ कोरिन्थी 9:2

गो वाङमिमकाम लागि थु़र्मा मेएँ लोवो इनीमा लागि ने आच्‍छाङा थु़र्मा ङा, हेङालोने ङाचो़ येशूडा गो थु़र्मा दु़म्‍ङोडोमकु छेखोप गानीङा सो़।

मत्ती 7:24

“मेम्मिमका उहेम मु़चु़का आमा सिजेम थो़सु़, मा मेराम होम्‍साका खारी बु़, मेराम मु़चु़ मेदोपा लुङडला नेम बनेबेपा नेप्‍चीनुङमा मु़चु़ होप्‍मामङा सो़।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

२ तिमोथी 2:15

माम्‍चु़नीकु आच्‍छाङाकाम सिजेम चङको-चङको सीपा, त्‍वाकु खारीडा क्रो़मलु़मु मेबासिक्‍पा खारीचो़ होङङा माम्‍चु़नीका बिम्‍सिप्‍मिमिम खारी छो़म बे।

कलस्‍सी 4:17

अर्खिप्‍पसलाई आरे र्‍वाक्‍नी: “ङाचो़ येशूका गानालाई बेबेट्‌नामिम खारी बेसोका।”

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

थु़र्मा 18:27

मेकोतिमा अपोल्‍लोस अखैयाडा लमु न बु़डु़। एफिससडा बाट्‌पा थो़रलु़पामिमका गुलाई लमु उ सो हन्‍बेन्‍साम्‍डी, मा अपोल्‍लोसलाई रनी र्‍वाक्‍साका मेसिन्‍डाम सीसिपामिमलाई कोले सेलाखाजेम वो र्‍याम्‍सोम्‍डी। अखैयाडा रोक्‍थिड्‌डामा गुका माम्‍चु़नीकु दिदामका येशूडा थो़रलु़पामिमलाई छो़म ख्‍लो़यु़डु़मी।

लूका 11:35

मेम्‍मिमका चङचङया बानी, गानीगोडा बाट्‌पा ओल तुकुम्‍चिम मेदु़म्‍नु़।

याकूब 3:1

वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

रोमी 15:15

लावो माम्‍चु़नीका गोलाई दिदाम ग्‍वाङडिमिमका गानीलाई आथावो मिम्‍बेन्‍मु लागि मेङिसाका गो कोङनिम ल्‍वाकु दुथाम र्‍याक्‍तोङा बेउ।

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

रेम्‍बेट्‌मिडिम ल्‍वा 21:14

मे शहरकु ब्रोलुङकाम को-न उनी फारमिमकाम लुङ बाइडा। मेरामडला भेन्‍दाचो़कु को-न थु़र्मामिमकु नङ र्‍याक्‍मा बाइडा।

२ कोरिन्‍थी 10:15

वाङमिमका बेम्‍डिम खारीडा गुकु आकी त्‍वाका बेत्तोकोम र्‍वाक्‍साका डोक्‍पु मेलिसिन्‍कु। लावो इनीमा थो़र बर्तो ललो गानीगोडा दु़म्‍पा आकीमा खारी वाङमिम खोमथो़ वो बर्तो लनु़ र्‍वाक्‍पा आकीमा न बु।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।