१ कोरिन्थी 2:9 - थुलुङ राई

⁹ लावो माम्‍चु़नीकु सिजेमडा आरेसाका र्‍याक्‍मा बु, “मिक्‍सीका मेल्‍वाम्‍मा, नोफ्‍लाका मेथो़म्‍मा, नडा मेमिम्‍मा ल्‍वा, माम्‍चु़नीका गुमीलाई रिखाम बेपामिमकाम ङादोङा चोचु़म्‍सिडिम बाइडा।”

१ कोरिन्थी 2:9 Referans Kwoze

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

हिब्रू 11:16

मेम मेबेसाका, मेर्मिमका मेरामडाम वो जो़पा पाह्रीला बाट्‍पा नेब्‍दी लक्‍पा न बेम्‍डिम बाम्‍डी। मेम्‍मिमका माम्‍चु़नीका गुमी मेर्मिमकु माम्‍चु़नी र्‍वाला सो़म्‍सिमु उनी क्रो़म मेलु़, लावो गुमीका मेर्मिमकाम लागि कोङ शहर बनेबेम्‍डिम बु।

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

मत्ती 20:23

गुमीका मेर्चिपलाई र्‍वाम्‍डी, “मेभ्रपा आमा कान्‍चु़रेलामका गाची आच्‍छाङा डुमु चाम्‍ची। लावो आमा जो़पलाम नुङ पेलाम गन्‍मु ग्‍वाक्‍पा आमा मुलु़गोडा मिबु। आमा पापका छेट्‌मिडिम मु़चु़मिमकाम लागि गुमीका मेराम खोम बनेबेम्‍जो़ल्‍मिडिम बु।”