१ कोरिन्थी 2:8 - थुलुङ राई

⁸ ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

१ कोरिन्थी 2:8 Referans Kwoze

याकूब 2:1

आमा वा-ल्‍वाकनी, ङाचो़ येशू ख्रीष्‍ट, यु़म-झ्‍वाक्‍सीकु ङाचो़डला गानी थो़र बेन्‍निमका मु़चु़मिम गोडा चोमिक्‍सी मेबेनी।

थु़र्मा 13:27

लावो यरूशलेमडा बाट्‌पा मु़चु़मिम नुङ उनी साखामचो़मिमका येशू सेल्‍पा बुमी र्‍वाक्‍साका मेछेमिवा। माम्‍चु़नीलाम-जेपामिमकु सिजेम ङेम्‍सिमु-ङेम्‍सिमुनेम हेल्‍लो लोवो डान्‍थाल्‍मिडी, लावो थेसिमेथेट्‌मिवा। येशूलाई मेर्मिमका देन्‍दे ग्‍वाक्‍साका मे माम्‍चु़नीकु सिजेमडा र्‍याक्‍मा होङङा रेन्‍थिम्‍डी।

थु़र्मा 7:2

स्‍तिफनसका र्‍वाक्‍ता, “माम-पाप नुङ वा-ल्‍वाकनी, आनो थो़नी! इकी ङाउ-खुउ अब्राहाम हारानडा बुमु ङादो मेसोपोटामियाडा बाइडालो गुनुङ यु़म-झ्‍वाक्‍सीकु माम्‍चु़नी ल्‍वाला सो़म्‍सिम्‍डिम बाइडा।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

२ कोरिन्‍थी 3:14

मेराम थारीका इस्राएलडाम मु़चु़मिमकाम थेसीथेट्‍पा न हुप्‍मा बाइडा। आथाल-दिका वो माम्‍चु़नीकु ङादोम सो़रख्रेप्‍सी डान्‍मिलो मेर्मिमका थेसिमेथेन्‍मी। मेर्मिमका ख्रीष्‍टडा थो़र लु़साका कोङङा उनीमा नडा हुप्‍मा ल्‍वा पार्सी मा थेसिथेन्‍मु चाम्‍मी।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 8:19

मेम्‍मा मेर्मिमका गुमीलाई हिलाबेम्‍डी, “इमा पाप बान्‍ते बुमी?” येशूका मेर्मिमलाई र्‍वाम्‍डी, “गानी गोलाई छेङिनी ना आमा पापलाई छेनी। गानी गोलाई छेङ्‌निवा माला आमा पापलाई वो छेनिवा।”

यूहन्‍ना 7:48

हाम ङाउमिमका डे फरिसीमिमगोडाम कोङनिमका डे गुडला थो़र लु़म्‍डिम बु?

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

लूका 23:34

येशूका र्‍वाम्‍डी, “माम्‍चु़नी, ओर्मिम मु़चु़लाई पाचो ग्‍वाक्‍निमी, हेङालोने मेर्मिमका हाम बेत्तोङा लेन्‍मी मेराम मेचमी।” मेम्‍मा सिपाहीमिमका चिठ्ठा ओप्‍साका येशूकु ये-सेम दो़म्‍डी।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

१ कोरिन्थी 1:20

नेप्‍चीनुङमा बान्‍ते बु? पातु़म्‍री बान्‍ते बु? ल्‍वालाम खाल्‍पा आथामबिलिम मु़चु़ बान्‍ते बु? हाम माम्‍चु़नीका ओ सु़म्‍दिसेरकु नेप्‍ची हाम ना हामकाम मेदु़म्बेट्‌मिवा मा?

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।