१ कोरिन्थी 2:6 - थुलुङ राई

⁶ मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

१ कोरिन्थी 2:6 Referans Kwoze

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।

याकूब 3:15

आरेप्‍माम नेप्‍ची ने पाह्रीलामका योक्‍पा मेएँ। लावो माम्‍चु़नीकु कोर्थो़लाम बक्‍पा शैतानलाम, सु़म्‍दिसेरलाम नुङ छु़लचो़मिमलाम रो।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

१ कोरिन्थी 1:28

सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

१ कोरिन्थी 2:13

उहेम ल्‍वा गुकु जेकु मेर्मिम ल्‍वा मु़चु़कु नेप्‍चीलाम सीसिक्‍तोकोम मेएँ, लावो माम्‍चु़नी-पेलका सीत्तिकिम होम्‍साका माम्‍चु़नी-पेल ल्‍वापामिमलाई आच्‍छाङाकाम माम्‍चु़नी-पेलकु ल्‍वा सो़कु।

१ कोरिन्थी 2:1

वा-ल्‍वाकनी, माम्चु़नीकु दुथाम थक्‍साका जु़ल्मा आच्छाङाकाम ल्वा सो़प्डा गो इनीमाडा रोङडोलो छो़म जेसी थेट्‍पा नुङ नेप्चीनुङमा दु़म्साका मेरोक्‍ङुवा।

लूका 16:8

“मेकोतिमा मे खाप्‍ची रेपा मु़चु़का मिम्‍साका बु़डु़म खारी ल्‍वास्‍तु़मा खाप्‍चीचो़का उ नङ कोक्‍साड्‌डु़। मेम्‍साकाङा माम्‍चु़नीकु मु़चु़मिमडाम वो सु़म्‍दिसेरडाम मु़चु़मिमका वाङमिम मु़चु़नुङ छो़म मिम्‍साका खारी बोमी।

मत्ती 19:21

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

१ कोरिन्थी 3:1

वा-ल्‍वाकनी, गानीनुङ जेङडोलो माम्‍चु़नी-पेलनुङमा मु़चु़मिमनुङ जेङडोम होम्‍साका जेमु मेचापुवा, लावो सु़म्‍दिसेरडाम मु़चु़मिम, ख्रीष्‍टडा मालो गक्‍पा चो़च्‍चो़नुङ होम्‍साका जेङडो।

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

२ कोरिन्‍थी 4:3

गुकु थो़बेन्‍कुमिम जो़पा-सेला कोङनिमलामका थसिक्‍पा बु माला पुयु़लुक्‍पामिमकाम लागि कोङङा थसिक्‍पा बु।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

हिब्रू 6:1

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,