१ कोरिन्थी 2:15 - थुलुङ राई

¹⁵ माम्‍चु़नी-पेलनुङमा मु़चु़का जो़पा नुङ मेजो़पा र्‍वाक्‍साका खोत्‍ले ल्‍वा छाम्डु़, लावो वाङमिम सु़का वो गुलाई ने छाम्मु मेचाप्सु़।

१ कोरिन्थी 2:15 Referans Kwoze

१ थेसलोनिकी 5:21

गानी हाम थो़न्‍नी मेराम छाम्‍नी। मेम्‍मा जो़पा हाम बु मेराम रनी।

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

१ कोरिन्थी 14:37

कोङनिम मु़चु़का उ त्‍वापलाई माम्‍चु़नीलाम जेपा लोवो माम्‍चु़नी पेललाममिम राप्‍लावा ल्‍वापा मु़चु़ मिम्‍सी माला गो र्‍याक्‍तोम ल्‍वा ङाचो़ येशूका र्‍वाम्‍डिम र्‍वाक्‍साका रङु़नु़।

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

१ कोरिन्थी 3:1

वा-ल्‍वाकनी, गानीनुङ जेङडोलो माम्‍चु़नी-पेलनुङमा मु़चु़मिमनुङ जेङडोम होम्‍साका जेमु मेचापुवा, लावो सु़म्‍दिसेरडाम मु़चु़मिम, ख्रीष्‍टडा मालो गक्‍पा चो़च्‍चो़नुङ होम्‍साका जेङडो।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

थु़र्मा 16:3

तिमोथी वो पावलका उ त्‍वापनुङ लमु न बु़डु़। मेराम देलडा यहूदीमिम बाम्‍डिमका पावलका उमा खिरिरि-क्रिप्‍साड्‌डु़। हेङालोने तिमोथीकु पाप ग्रीक बाइडा र्‍वाक्‍पा मेर्मिम खोत्‍लेका चम्‍डिम बाइडा।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।

१ यूहन्‍ना 2:20

लावो ख्रीष्‍टका गानीडला माम्‍चु़नी-पेल अम्‍डिम बु मा गानी खोत्‍लेका आच्‍छाङाकाम ल्‍वा चनी।