Biblia Todo Logo
Bib sou entènèt

- Piblisite -




१ कोरिन्थी 2:14 - थुलुङ राई

14 माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

Gade chapit la Kopi




१ कोरिन्थी 2:14
36 Referans Kwoze  

पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।


ख्रीष्‍टका ग्‍वाक्‍निमिम माम्‍चु़नी-पेल गानीगोडा दु़म्‍मिहोम बुमी, मा गानीलाई सु़का वो सीमु मेबासी। गुमीका ग्‍वाक्‍निमिम माम्‍चु़नी-पेलका आच्‍छाङाकाम खोत्‍ले ल्‍वाडा सीनिमी, लिमा ल्‍वाडा मेएँ। माम्‍चु़नी-पेलका सीनिमिमिम होम्‍साका ख्रीष्‍टडा गानी दु़म्‍निहोम बानी।


ङादोम ने सुबुडाम मिरो़म मा चङडाम माम्‍चु़नी-पेलामिम मिरो़म।


गानीलाई दु़मेबेट्‌पा, उनी त्‍वाकु नका दोपा मा माम्‍चु़नी-पेल मान्‍थिम मु़चु़ ओर्मिम सो़।


आरेप्‍माम नेप्‍ची ने पाह्रीलामका योक्‍पा मेएँ। लावो माम्‍चु़नीकु कोर्थो़लाम बक्‍पा शैतानलाम, सु़म्‍दिसेरलाम नुङ छु़लचो़मिमलाम रो।


लावो ख्रीष्‍टका गानीडला माम्‍चु़नी-पेल अम्‍डिम बु मा गानी खोत्‍लेका आच्‍छाङाकाम ल्‍वा चनी।


सुबुडाम मिरो़म क्‍लु़म्‍सी, माम्‍चु़नी-पेललाममिम मिरो़म बगे। सुबुडाम मिरो़म दु़म माला माम्‍चु़नी-पेलका थो़पा मिरो़म वो दु़म।


गुइ सु़म्‍दिसेरडाम पेल ल्‍वास्‍तिम मेएँ, लावो माम्‍चु़नीका गुइलाई ग्‍वाक्‍साड्‌डामिम खोत्ले ल्‍वा थेसिथेडिनु़ र्‍वाक्‍साका माम्‍चु़नीलाममिम पेल ल्‍वास्‍तिम बु।


येशूका मे मु़चु़मिमकु ङादोडा हापा यु़म-खारीमिम बेम्‍डी, लावो मेर्मिमका गुमीडला थो़र मेबेमिवा।


गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?


पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”


लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।


मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।


गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।


लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।


माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।


उनी रिबुसी गस्‍ताम ल्‍वा ने उनीमा माम्‍चु़नीडा सो़रलोले बोमुकु दुथाम नुङ सिप्‍ल्‍याक्‍पा येशूकु दुथाम रेछा। पावलका ने येशू आथावो नु़पाङा बुमी र्‍वाक्‍साका र्‍वाक्‍ताम बाइडा।


“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।


लावो सिजेममिम, नङमिम नुङ इनीमा त्‍वाकु डु़म्‍लाकु दुथाममिम ङा ल्‍वा लुक्‍तामका गानी इनी त्‍वाका ङा हाम बोनी लोवो बेनी। ओराम ल्‍वाडा गो हाम वो मेबेउ।”


मेर्मिमका सिमुलाम बम्‍गेमुकु दुथाम थो़म्‍डी, मा याङ-याङका पावललाई रिम्‍साम्‍डी। लावो वाङमिमका ने “गुकु ओरामकु दुथाम आथावो थो़कु” र्‍वाम्‍डी।


मेर्मिमगोडाम हापाका आरे र्‍वाम्‍डी, “ओरामलाई मुनाङका हुप्‍डु़म बु, मा उ न मान्‍थिम दु़स्‍ताम बु। हेङा मेरामकु ल्‍वा थो़नी?”


इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।


माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।


सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।


हेङालोने माम्‍चु़नीकु नेप्‍ची मान्‍थिम मुलु़ बेम्‍डिम ल्‍वा मु़चु़मिमकु खोत्ले नेप्‍चीडाम वो सोनुङमा बु। माम्‍चु़नीकु मेचाप्‍सी ने मु़चु़मिमकु खोत्‍ले सोडाम सोनुङमा बु।


वा-ल्‍वाकनी, गानीनुङ जेङडोलो माम्‍चु़नी-पेलनुङमा मु़चु़मिमनुङ जेङडोम होम्‍साका जेमु मेचापुवा, लावो सु़म्‍दिसेरडाम मु़चु़मिम, ख्रीष्‍टडा मालो गक्‍पा चो़च्‍चो़नुङ होम्‍साका जेङडो।


Swiv nou:

Piblisite


Piblisite