१ कोरिन्थी 2:13 - थुलुङ राई

¹³ उहेम ल्‍वा गुकु जेकु मेर्मिम ल्‍वा मु़चु़कु नेप्‍चीलाम सीसिक्‍तोकोम मेएँ, लावो माम्‍चु़नी-पेलका सीत्तिकिम होम्‍साका माम्‍चु़नी-पेल ल्‍वापामिमलाई आच्‍छाङाकाम माम्‍चु़नी-पेलकु ल्‍वा सो़कु।

१ कोरिन्थी 2:13 Referans Kwoze

१ कोरिन्थी 2:4

आमा सिजेम नुङ गो दो़उतोम ल्‍वा मु़चु़लाई नडा लक्‍पा नुङ नेप्‍चीनुङमा मेबायावा, लावो मेर्मिम ल्‍वाडा ने माम्‍चु़नी-पेलकु यु़म आच्‍छाङा रेम्‍बेसिड्‍डाम बाइडा।

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

१ कोरिन्थी 1:17

हेङालोने ख्रीष्‍टका गोलाई कु-रु़दु़म ग्‍वाप्‍डा मेएँ, जो़पा-सेला थो़बेड्‌डा थु़र्ङिडिमिम। मिनी नेप्‍चीडाम ल्‍वा मेसो़साका जो़पा-सेला थो़बेड्‌डा गुमीका गोलाई थु़र्ङिडिमी, मेएँ माला ने क्रूसडला ख्रीष्‍ट सिम्‍डिम हाम ना हामकाम दु़प्‍सावा।

१ कोरिन्थी 2:1

वा-ल्‍वाकनी, माम्चु़नीकु दुथाम थक्‍साका जु़ल्मा आच्छाङाकाम ल्वा सो़प्डा गो इनीमाडा रोङडोलो छो़म जेसी थेट्‍पा नुङ नेप्चीनुङमा दु़म्साका मेरोक्‍ङुवा।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

२ पत्रुस 1:16

इकी ङाचो़ येशू ख्रीष्‍ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्‍दा लिसिक्‍साका बनेबेम्‍मा सो़म्‍दी होप्‍माम सो़त्तोकोम मेबायावा। लावो उनी डोक्‍पु दु़म्‍सी गुकु आकी मिक्‍सीका ल्‍वात्तोको।

एफिसी 5:19

मेम्‍मा इनी त्‍वाप त्‍वापगोडा माम्‍चु़नीकु सिजेमगोडाम काम्‍सो, उनीमा नङ कोमु काम्‍सो, उनीमा दुथाममिम वाङमी काम्‍सोमिम बेत्तो न-गोलामका उनीमा नङ कोक्‍नी।

१ कोरिन्थी 14:2

थेसिमेथेडिमिम वाङ सामा ल्वाडा जेपाका मु़चु़मिमनुङ मेएँ माम्‍चु़नीनुङ जे। गुका जेमिम ल्‍वा सु़का वो थेसिमेथेडु़। थक्‍मा ल्‍वामिम गुका माम्‍चु़नी-पेललाम जे।

१ कोरिन्थी 9:11

गानीगोडा गुकु त्‍वारो़मकु भ्रल फोत्तोकोम बु माला आकीमा मिरो़मकाम लागि हाम गानीलाम हाम हुम रमु मेनु़ मा?

लूका 12:12

हेङालोने हाम र्‍वामु बासिक्‍पा ल्‍वा माम्‍चु़नी-पेलका मेकोतिलोङा गानीलाई सीनी।”

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।