8 पेन्तिकोसकु चाडसम्म गो आसि एफिससडाङा बुङु,
पेन्तिकोस चाडकामनेम थो़रलु़पामिम खोत्लेङा कोदेप खोम्सिम्डिम बाइडा।
सिपा मु़चु़ सिमुलाम मेबगे माला सो़प्दीडाम हादीबारामिमनुङ होङङा एफिसस शहरडाम मु़चु़मिमनुङ क्वाल्बा बेउतोमका गोलाई हाम जो़पा दु़स्ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्वाक्मा होङङा बिइलो नु़।
मेकोतिमा मेर्मिम एफिसस शहरडा रोम्फाम्डी, मा पावलका अकिलास नुङ प्रिस्किलालाई मेसिङा पार्जो़ल्लु़ची। पावल उ त्वाप ने घ्रो़म्दीनेमडा लस्तामा यहूदीमिमलाई सिजेमकु दुथाम थेसिथेन्होम सीड्डु़मी।
मेर्मिमनुङ ब्र्वासिड्डालो पावलका आरे र्वाक्ता, “माम्चु़नीकु न होङ्ङा दु़स्ता माला, आथावो गो गानीनुङ घ्रो़म्डा रोङु।” मेकोतिमा गु डोक्पु कुबी-बोक्साडा हुङडामा एफिसस शहरलामका लस्ता।
अपोल्लोस कोरिन्थ शहरडा बाइडालो पावल हालाङ्मी इलाकामिमलामका एफिसस शहरडा रोक्फाड्डा। मेसिन्डा गुका थो़रलु़पामिमलाई डार्रु़मी।
एशियालामका दालाङा लक्ल्याक्पा न बु़डु़मका पावलका एफिससडा मेलुक्साका ङा लमु न बु़डु़। हेङालोने झाममाला पेन्तिकोस चाडकु थारीका यरूशलेमडा रोम्थिमु गु छो़म छु़रु़प-छु़रु़प लु़डाम बाइडा।
