१ कोरिन्थी 16:6 - थुलुङ राई

⁶ गो गानीनुङ कोलेम-नलेम बुङु डे, जुथारीका वो मेसिन्‍डाङा बुङु। मेम्‍मा गो बान्‍ते लङु लोवो गानी गोलाई लाम्‍दीकाम लागि ख्‍लो़मु चाम्‍ङिनी।

१ कोरिन्थी 16:6 Referans Kwoze

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

रोमी 15:24

गो मेराम लाम्‍दी दु़म्‍तो स्‍पेन लङुलो गानीनुङ घ्रो़म्‍डा रोक्‍पा न बु, मा कोलेम नलेम गानीनुङ बाट्‍पा न वो बेउतोम बु। मेम्‍लो स्‍पेनसम्‍म लमु लागि गानी गोलाई ख्‍लो़ङिनी डे र्‍वाक्‍पा आमा नडा मिम्‍तोम बु।

तीतस 3:12

अर्तिमास लोवो तुखिकस लोवो इमाडा थु़र्मु र्‍वाक्‍तोङा लेट्‌पु। मेर्चिप गोडा कोले इमाडा रोफालो नेकोपोलिस शहरडा गाना इमा चाप्‍सी दाला गोलाई क्रो़म्‍ङी। हेङालोने जुनेमका गो मेसिन्‍डाङा बुमु मुलु़ बेउतोम बु।

२ कोरिन्‍थी 1:16

माकेडोनिया लङुलो ङादो इनीमाडा लुङु मा माकेडोनियालामका ख्‍लोसिङुलो वो इनीमाडा लुङु। मेम्‍मा गानी गोलाई यहूदियाथो़ थु़र्सोङिनी र्‍वाक्‍पा आमा नडा मिम्‍सिङ्‌डोम बाइडा।

१ कोरिन्थी 16:11

मेम्मिमका सु़का वो गुलाई छेम छेम मेदु़मिनु़, मा गु आमाडा ख्‍लोसिमा रोलो उमा लाम्‍दीडा न भ्रसिबेट्‌निमा थु़र्नी। वाङमिम थो़रलु़पामिम वो गुनुङ रोमी र्‍वाक्‍साका गो लथाक्‍पु।

थु़र्मा 28:11

सु मुनाम चङडा गुकु अलेक्‍जेन्‍ड्रिया शहरलाम रोक्‍पा डोक्‍पु कुबी-बोक्‍साडा हुत्तोको। ओराम डोक्‍पु कुबी-बोक्‍सा जुनेमका ओराम टापुडा ङा बाइडा। डोक्‍पु कुबी-बोक्‍साकु ङादोगोनो निची नो़पकु ङाली जु़ल्‍मा बाइडा।

थु़र्मा 27:12

ओराम बन्‍दरगाहडा जुनेमका बुमु मेझापामिमका हेसाका लोवो फोनिक्‍स शहरडा ङा रोक्‍थिसाका बुइ र्‍वाक्‍साका हापा सेर्पा मु़चु़का मेलामका डोक्‍पु कुबी-बोक्‍साडा लस्‍ल्‍याडी र्‍वाम्‍डी। मेकोतिमा जु थारीका मेसिन्‍डा बाम्‍डी। क्रेट टापुडाम कोले बन्‍दरगाह फोनिक्‍स बु, मेराम रायला-पश्‍चिम नुङ उत्तर-पश्‍चिमथो़ ख्‍लोसिक्‍पा बु।

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

थु़र्मा 20:38

आथाडा आनो हाम्‍सी वो आमा ङाली मेल्‍वानी र्‍वाक्‍साका पावलका र्‍वाक्‍ताम ल्‍वाडा छो़म मेर्मिमकु न ख्राप्‍डा। मेकोतिमा मेर्मिमका पावललाई डोक्‍पु कुबी-बोक्‍सा फार्डा सोम्‍थिम्‍डी।

थु़र्मा 17:15

पावललाई सोक्‍थिड्‌डा लक्‍पामिमका गुलाई एथेन्‍सडा रेट्‌मिडी। मेसिन्‍डा रोक्‍थिड्‌डामा उ त्‍वापलाई सोप्‍डा रोक्‍पामिमनुङ पावलका सिलास नुङ तिमोथी दालाङा रोचिनु़ र्‍वाक्‍पा सेला थु़र्सोड्‌डु़।