14 गानी हाम बोनी रिखामनुङमा दु़म्निमा बेबेनी।
खोत्लेडाम डोक्पु ल्वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्याकु़।
गो बेबेट्निम ल्वाका र्वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्वा माल्पा न नुङ आच्छाङा थो़र लु़साका रो।
लावो खोत्लेडाम जो़पा राप्लावा ल्वापा छो़म न बेनी। मेम्मा गो गानीनुङ ओरामडाम वो हापा जो़पा लाम्दी सो़उ।
लावो माम्चु़नी-पेलका ने गुइलाई आरेप्माम दु़म्बेसामी– रिखाम बेपा, न-थो़म भ्रसिक्पा, न-गो भ्रसिक्पा, इम्सिमु चापा, न-थो़मनुङमा, खोत्लेकाम लागि जो़पा मिम्पा, थो़र लु़इमिम,
माम्चु़नीकु लाम्दीडा लाम्दीसीडला वा-ल्वाकडा न-थो़म बेबेसी, वा-ल्वाकडा न-थो़म बेबेसीडला रिखाम काप्तो लक्नी।
गो गानीलाई र्वाङुमिम ल्वा ओरामङा सो़: रिखाम बेबेनी।
खोत्लेका लालीकुन्दा डोक्पु मिम्मु बासी मा वोचु़ नुङ मोचु़ उची त्वाप-त्वापडा थो़रलु़इमिम दु़म्मु बासी। नाम्सु़रु़ बेपा नुङ वाङमिम मेसेमनुङ अम्मु न बेपा मु़चु़काम माम्चु़नीका निया बोमी।
गानी पोनिमिम पोमुथोकका थो़रलु़पा वा-ल्वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्ट उनी त्वापङा सिसाका सेल्मिडिम मु़चु़लाई इनीमा पेसी-डुसीकु ल्वाका पुयु़मेलुबेट्नु़।
वा-ल्वाकनी, इनीमा लागि गुकु हेल्लो लोवो माम्चु़नीलाई आलासो़ ग्वामुङा बासी। ओराम जो़पा दु़म, हेङालोने ख्रीष्टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।
गानीलाई गुकु रिखाम बोकुमिम होङङा इनी त्वाप-त्वापडा बेबोनिमिम रिखाम ङाचो़ येशूका बर्बेन्सानिमिनु़ मा वाङमिम मु़चु़मिमलाई छो़म रिखाम बेपा दु़म्बेनिमिनु़।
लावो इनीमालामका तिमोथी ओम्लो आकीमाडा रोक्ताम बु, मा इनीमा थो़र नुङ रिखामकु दुथाममिम भ्रपा ल्वा रेड्डु़म बु। गानी हेल्लो लोवो गेर्सिद्वाक्तो गुकुलाई मिम्किनी ए, मा गुकुनुङ घ्रो़म्मु न बोनी ए र्वाक्साका गुका सो़यु़डु़। मेम्साकाङा गुकु वो गानीलाई क्रो़म्मु न बोकुमिम बु।
ङाटालाई ग्वाक्मा पोमु-डुमुकु दुथाम गो र्वाङु, गुइ खोत्लेका च, गुइ खोत्लेका नेप्ची ल्वास्तिम बु। नेप्चीका गुइ डोक्पु लिसिबेसा, लावो रिखामका जो़पा दु़म्बेसा।
रिखामकु लाम्दी खाट्नी मा माम्चु़नी पेलकु राप्लावा ल्वापा छो़म न बेनी। मेरामडाम वो हापा माम्चु़नीलाम जेपा राप्लावा ल्वामु छो़म न सोक्नी।
वा-ल्वाकनी, गानी ओराम ल्वा चनी, स्तिफनासकु नेमडाममिम अखैयाडा खोत्लेडाम ङादो थो़रलु़पा मु़चु़मिम सो़। मेर्मिमका माम्चु़नीकु मु़चु़मिमकाम चापे-डुपे बोमुडा खोत्ले उनी न-गोङा ग्वाम्डिम बु। गो गानीलाई छो़म र्वाङु,
