१ कोरिन्थी 16:12 - थुलुङ राई

¹² ल्‍वाक अपोल्‍लोसकु दुथाम ने गो र्‍वाङु, वाङमिम वा-ल्‍वाकमिमनुङ कोयो इनीमाडा लक्‍नी र्‍वाक्‍साका गुलाई छो़म र्‍वाङ्‌डोम बाइडा। गु ओम्‍लो इनीमाडा रोमु नङा मेबु़वा, लावो उमा लागि जो़पा थारी दु़म्‍लो इनीमाडा रो।

१ कोरिन्थी 16:12 Referans Kwoze

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

तीतस 3:4

लावो इकीमा सेल्‍पा माम्‍चु़नीका उनी न-थो़म नुङ रिखाम गुइडला रेम्‍बेम्‍डी,

१ कोरिन्थी 3:22

पावल लोवो अपोल्‍लोस लोवो केफास, मा सु़म्‍दिसेर लोवो त्‍वारो़म लोवो सिमु लोवो ओम्‍लो थारी लोवो दिफुम थारी लोवो खोत्‍ले इनीमाङा सो़।

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

मर्कूस 6:21

हेरोदका गु गस्‍ताम-नेम मिम्‍मुकु दुथाममिम ग्रुला उमा डोक्‍पु मु़चु़मिम, सेनाडाम डोक्‍पु मु़चु़मिम नुङ गालीलडाम डोक्‍पु मु़चु़मिमलाई ग्‍वाक्‍तु़मिलो ङा हेरोदियासकु न होप्‍माम थारी रोक्‍फाड्‌डा।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

तीतस 3:13

वकील जेनास नुङ अपोल्‍लोस लाम्‍दिचिलो खोत्‍ले ल्‍वाडा इमा चाप्‍सी ख्‍लो़याची। मेम्‍मा मेर्चिपलाई हामकाम वो खेरेला मेदु़म्‍नु़।

थु़र्मा 15:34

[लावो सिलासका ने मेसिङा बुमु न बु़डु़।]