१ कोरिन्थी 16:11 - थुलुङ राई

¹¹ मेम्मिमका सु़का वो गुलाई छेम छेम मेदु़मिनु़, मा गु आमाडा ख्‍लोसिमा रोलो उमा लाम्‍दीडा न भ्रसिबेट्‌निमा थु़र्नी। वाङमिम थो़रलु़पामिम वो गुनुङ रोमी र्‍वाक्‍साका गो लथाक्‍पु।

१ कोरिन्थी 16:11 Referans Kwoze

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

थु़र्मा 15:33

सिलास नुङ यहूदा मेसिन्‍डा हापा बाच्‍ची। मेकोतिमा मेसिन्‍डाम थो़रलु़पामिमका न-गो भ्रसिक्‍पा जि ग्‍वाक्‍तो मेर्चिपलाई थु़र्पामिमकाडा थु़र्सोम्‍डी।

तीतस 2:15

ओर्मिम ल्‍वा र्‍वाक्‍साका थो़रलु़पामिमकु सो हन्‍बेसाडामी मा गानानुङ बाट्‌पा साखामका मेर्मिमका ख्‍लो़ट्‌मिडिम ल्‍वाडा भुरामी। मेम्‍साका गाना र्‍वानामिम ल्‍वा खोत्‍लेका थो़मिनु़।

१ कोरिन्थी 16:10

तिमोथी इनीमाडा रोलो मिम्ताम-सो़र्ताम मेबेसाका गानीनुङ बुमु ग्‍वाक्‍नी। हेङालोने गुका वो गो होम्‍साकाङा ङाचो़कु खारी बेत्तोङा लेडु़।

१ कोरिन्थी 16:6

गो गानीनुङ कोलेम-नलेम बुङु डे, जुथारीका वो मेसिन्‍डाङा बुङु। मेम्‍मा गो बान्‍ते लङु लोवो गानी गोलाई लाम्‍दीकाम लागि ख्‍लो़मु चाम्‍ङिनी।

३ यूहन्‍ना 1:6

मेर्मिमका इमा रिखामकु दुथाम मण्‍डलीडा सो़म्‍डिम बु। माम्‍चु़नीका न बोमिमिम होम्‍साका हेल्‍लो लोवो मेर्मिमलाई ख्‍लो़यामिमा थु़र्सोकामी।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

२ कोरिन्‍थी 1:16

माकेडोनिया लङुलो ङादो इनीमाडा लुङु मा माकेडोनियालामका ख्‍लोसिङुलो वो इनीमाडा लुङु। मेम्‍मा गानी गोलाई यहूदियाथो़ थु़र्सोङिनी र्‍वाक्‍पा आमा नडा मिम्‍सिङ्‌डोम बाइडा।