१ कोरिन्थी 15:9 - थुलुङ राई

⁹ थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

१ कोरिन्थी 15:9 Referans Kwoze

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

गलाती 1:23

मेर्मिमका आमा दुथाम आकोति कोङङा थो़म्डिम बाइडा, “ङादो इकीमा थो़मतेर्स्‍तु़मा थो़र पुयु़ लुबेन्‍मु माल्‍लु़म बाइडा, लावो ओम्‍लो मेराम थो़रकु दुथामङा सीत्तोङा लेडु़मी।”

फिलिप्‍पी 3:6

माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

२ कोरिन्‍थी 11:5

त्वापङा डोक्‍पु दु़म्‍पा मे थु़र्मामिम लिसिक्‍पामिमडाम गो कि-किम वो याक्‍के मेबुङु।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।