१ कोरिन्थी 15:6 - थुलुङ राई

⁶ मेकोतिमा गुमी कोखेपकाङा ङो सङडाम वो हापा उनी सीसिपामिमकाडा रेम्‍बेम्‍सिम्‍डी। मेर्मिमगोडाम हापा मु़चु़मिम ओम्‍लो वो बुमी। लावो याङ-याङ ने सिमुदु़म्‍मडिम बु।

१ कोरिन्थी 15:6 Referans Kwoze

मत्ती 28:10

मेकोतिमा येशूका मेर्चिपलाई र्‍वाम्‍डी, “मेङिची, लक्‍चिमा आमा ल्‍वाकमिमलाई गालील क्षेत्रनो लक्‍नी बेचिमी, मा मेसिन्‍डा मेर्मिमका गोलाई ल्‍वाङिमी।”

मर्कूस 16:7

लक्‍नी, येशू इनीमा ङादो-ङादो गालीलथो़ ङा लक्‍तो बोमी र्‍वाक्‍साका उनीमा सीसिपामिम नुङ पत्रुसलाई सो़नी। गुमीका ङादो र्‍वाम्‍डिम होम्‍साका ङा गानी मेनो ल्‍वानिमी।”

थु़र्मा 13:36

“दाऊदकु साम बाइडामसम्‍म गुका माम्‍चु़नीकु न होम्‍साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्‍लु़म्‍मिडी, मा दाऊदकु रो़म झिप्‍स्‍ता।

२ पत्रुस 3:4

मेर्मिमका र्‍वामी, “येशू आथावो योङु र्‍वाक्‍साका याचे जेम्‍डिम हे दु़स्‍ता? सु़म्‍दिसेर प्रङ्‌स्‍तामा सु़म्‍दिमो आथाम इकी ङाउ-खुउ बाम्‍डिमकु ङादोम थारी आथाम खोत्‍ले ल्‍वा मेङा बुहोम बु।”

१ कोरिन्थी 15:18

मेम्‍मा ख्रीष्‍टडा थो़रलु़साका सिपा मु़चु़मिम वो पुयु़लुम्‍डी।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

१ थेसलोनिकी 4:15

ङाचो़ येशूका गुकुलाई र्‍वाम्‍डिम ल्‍वा गानीनुङ र्‍वाकु। ङाचो़ ख्रीष्‍ट ख्‍लोम्‍सिमिमिमनेम गुइ सामनुङमाका सिप्‍ल्‍याक्‍पामिमडाम ङादो गुमीलाई मेक्रो़म्‍डी।

१ थेसलोनिकी 4:13

वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

१ कोरिन्थी 15:20

लावो आच्‍छाङा ख्रीष्‍टलाई माम्‍चु़नीका सिमुलाम फम्‍खेट्‌मिडी। सिपामिम वो सिमुलाम बम्गेमी र्‍वाक्‍पा ल्वा रेम्बोमु लागि ङादो सिट्‌पा मा होप्‍मामङा गुमी ने खोत्‍लेडाम ङादो सिमुलाम बम्‍गेम्‍डी।