१ कोरिन्थी 15:51 - थुलुङ राई

⁵¹ थो़नी, गो कोले थक्‍मा ल्‍वा सो़उ, गुइ खोत्‍ले ने मेसिइ, लावो गुइ इकी मिरो़म वाङ दु़म्मा ख्‍लोसिडी।

१ कोरिन्थी 15:51 Referans Kwoze

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

१ कोरिन्थी 15:20

लावो आच्‍छाङा ख्रीष्‍टलाई माम्‍चु़नीका सिमुलाम फम्‍खेट्‌मिडी। सिपामिम वो सिमुलाम बम्गेमी र्‍वाक्‍पा ल्वा रेम्बोमु लागि ङादो सिट्‌पा मा होप्‍मामङा गुमी ने खोत्‍लेडाम ङादो सिमुलाम बम्‍गेम्‍डी।

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

१ कोरिन्थी 4:1

गुकु ख्रीष्‍टकु डु़ल्‍चो़ नुङ माम्‍चु़नीकु दुथाम थक्‍मा आच्‍छाङाकाम ल्‍वा सो़मु खुन्‍चु़म ल्वापा मु़चु़ र्‍वाक्‍साका मु़चु़मिमका गुकुलाई मिम्‍मु बासी।

१ कोरिन्थी 15:6

मेकोतिमा गुमी कोखेपकाङा ङो सङडाम वो हापा उनी सीसिपामिमकाडा रेम्‍बेम्‍सिम्‍डी। मेर्मिमगोडाम हापा मु़चु़मिम ओम्‍लो वो बुमी। लावो याङ-याङ ने सिमुदु़म्‍मडिम बु।

१ कोरिन्थी 2:7

माम्‍चु़नीकु मेल्‍वाखोपडाम नेप्‍ची, थक्‍मा नेप्‍ची ङा गुकु सो़कु, उहेम ने ङादो गुमीका इकीमा यु़म-झ्‍वाक्‍सीकाम लागि सु़म्‍दिसेर प्रङमु ङादोङा मुलु़ बेम्‍डिम बाइडा।

एफिसी 5:32

ओराम ने सु़का वो थेसिथेन्‍मु मेचापा ल्‍वा बाइडा, लावो मेराम ने ख्रीष्‍ट नुङ थो़रलु़पामिमकु दुथाम ल्वा सो़।

एफिसी 3:3

सु़का वो मेचक्‍मिवाम उनीमा मुलु़ माम्‍चु़नीका गोलाई चबेट्‌ङिडिमी। ओराम ल्‍वाकु दुथाम ङादोङा कि-कि र्‍यामु दु़म्‍तोम बु।

१ कोरिन्थी 15:18

मेम्‍मा ख्रीष्‍टडा थो़रलु़साका सिपा मु़चु़मिम वो पुयु़लुम्‍डी।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

२ कोरिन्‍थी 5:2

ओम्‍लो गुकु ओराम मिरो़मडा बुकुलो छो़म आकी न नो़। गुकु ने पाह्रीला बाट्‍पा मिरो़म ये-सेम होम्‍साका फम्‍सिमु न बोकु।

२ कोरिन्‍थी 5:4

गुइ इकीमा क्‍वाकु मिरो़मडा बुइमिम थारीका मिम्‍ताम-सो़र्ताम बेत्तो ओसु़म बिइ। गुइ ओराम मिरो़म डिन्‍मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्‍वाक्‍साका सो़, मेम्‍साका सिपा मिरो़म ने मेसिपा त्‍वारो़मडा ख्‍लोसी।