१ कोरिन्थी 15:3 - थुलुङ राई

³ हेङालोने गो हाम ल्‍वाउतो मेराम छो़म डोक्‍पु ल्‍वा गानीलाई ग्‍वानिनिम बु: मेराम ने माम्‍चु़नीकु सिजेमका र्‍वामिम होम्‍साका इकीमा छु़लकाम लागि ख्रीष्‍ट सिम्‍डी,

१ कोरिन्थी 15:3 Referans Kwoze

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।

गलाती 1:12

हेङालोने ओराम जो़पा-सेला गो कोङनिम मु़चु़लाम ल्वाउतोम मेएँ मा कोङनिमका गोलाई सीट्‌ङिडिमिम वो मेएँ, लावो येशू ख्रीष्‍ट उनी त्‍वाकाङा गोलाई सीट्‌ङिडिमिम सो़।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

रोमी 4:25

येशू इकीमा छु़लकाम लागि चेन्‍ला सो़सिम्‍डी मा गुइलाई मुमा मान्‍थिम दु़म्‍बेन्‍मु लागि गुमीलाई माम्‍चु़नीका आथावो सिमुलाम फम्‍खेट्‌मिडी।

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

१ कोरिन्थी 11:23

हेङालोने ङाचो़लाम गो हाम ल्‍वाउतो मेराम गो गानीलाई ग्‍वाक्‍निनिम बु। ङाचो़ येशू चु़म्‍ला सो़म्‍सिम्‍डिम सिन्‍था गुमीका सो़बेम झेट्‌मिडी,

थु़र्मा 3:18

ख्रीष्‍टका दु़खा ल्‍वामु बासी र्‍वाक्‍साका माम्‍चु़नीका खोत्‍ले माम्‍चु़नीलाम-जेपामिमकु सिलामका जेम्‍डिम सिजेम आरेसाका रोक्‍थिड्‌डा।

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

१ पत्रुस 1:11

ख्रीष्‍टकु पेल मेर्मिमडला बाइडा मा ख्रीष्‍टका हेसाका दु़खा ल्‍वामी मेम्‍मा यु़म-झ्‍वाक्‍सी ल्‍वामी र्‍वाक्‍पा मेर्मिमलाई सो़त्तोङा लेट्‌मिडी। मेर्मिमका ओराम ल्‍वा हाम्‍सी दु़म मा हेसाका दु़म र्‍वाक्‍साका माल्‍मु चो़म्‍मिडी।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

रोमी 3:25

माम्‍चु़नीका इकीमा छु़ल हेम्‍मु लागि येशू ख्रीष्‍टलाई सासेट्‌मिडिमा उनीमा सिसि हाट्‌मिडी र्‍वाक्‍साका थो़रलु़पा मु़चु़मिमकु छु़ल हेप्‍साड्‌मिडिम बु। माम्‍चु़नीका ओराम खारी बेम्‍डिमा गुमी जो़पा न-गोकाम बुमी र्‍वाक्‍पा ल्‍वा रेम्‍बेम्डिम बु। हेङालोने माम्‍चु़नीका ख्रीष्‍ट रोमु ङादो उनी छोक्‍चो इम्‍मिडी मा मु़चु़मिमका बेम्‍डिम छु़लकु देन्‍दे मेग्‍वाक्‍मिवा।

मत्ती 26:28

हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

हिब्रू 5:3

मेम्‍मिमका मु़चु़मिमकु छु़ल हेम्‍मु लागि कोङङा मेएँ, लावो उ त्‍वाकु छु़ल हेम्‍मु लागि वो सासेन्‍मुकु ग्‍वा-ग्‍वा ग्‍वामु बासी।

हिब्रू 5:1

डोक्‍पु डु़म्‍लाचो़ खोत्‍ले उमा मु़चु़मिमलामकाङा थुसिड्‌डाम दु़म। मेम्‍मा गु मु़चु़मिमकाम छु़ल हेम्‍सामुमि लागि ग्‍वा-ग्‍वा नुङ सासेसी माम्‍चु़नीलाई गुका ग्‍वाकु़।

१ कोरिन्थी 11:2

खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।

मत्ती 26:24

मिनीचो़ ने माम्‍चु़नीकु सिजेमका र्‍वाक्‍ताम होम्‍साका सिमुङा बासी। लावो मिनीचो़लाई भ्रेट्‌पा ने हाउरेमा! मेराम मु़चु़ ने मेगक्‍सावामङा उमा लागि जो़पा दु़प्‍सावा।”

लूका 24:25

येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।

थु़र्मा 8:32

मेरामका डात्तोङा लेड्‌डु़म माम्‍चु़नीकु सिजेम ओराम बाइडा, “गुमी फल्‍डा लक्‍मा भेन्‍दाकु चो़ होप्‍मामङा बाम्‍डी, उ बोलुङ खुरिलो लिबा बाट्‌पा भेन्‍दा होप्‍माङा गुमी को सि वो मेजेमिवा।

थु़र्मा 17:2

उ बादु़खाम होम्‍साका पावल घ्रो़म्‍दीनेमगोनो हुङ्‌डा, मा सु ङेम्‍सिमुनेमसम्‍म मेर्मिमलाई सीत्तो मेसिन्‍डा बाइडा। गुका माम्‍चु़नीकु सिजेमलामका,