१ कोरिन्थी 15:2 - थुलुङ राई

² गो थो़बेट्‌निनिम ओराम जो़पा-सेलाडा थो़र बोनिमा मेडिसाका मेरामडा दु़म्निम बुनी माला ओरामका गानीलाई सेल्‍नी, मेएँ माला ने गानी थो़र बेन्‍निम ने हाम ना हामकाम दु़म।

१ कोरिन्थी 15:2 Referans Kwoze

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

१ कोरिन्थी 1:18

पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।

याकूब 2:26

मिरो़म पेल मान्‍थिम दु़म्‍लो सिमिम दु़म। मेप्‍मामङा थो़र वो खारी मान्‍थिम दु़म्‍लो सिमिम दु़म।

याकूब 2:14

आमा वा-ल्‍वाकनी, कोङ मु़चु़का “गोनुङ थो़र बु” र्‍वा लोवो खारी मेबु़ माला मेराम थो़रका हाम जो़पा बु़ मा? हाम उ थो़रका मेराम मु़चु़लाई सेल्‍मु चाप्‍सु़?

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

याकूब 2:17

मेप्‍मामङा थो़र वो खारी बेसीडा मेल्‍वासी माला मेराम ने सिडाम थो़र सो़।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

२ थेसलोनिकी 2:15

मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

गलाती 3:4

हाम गानी येशू ख्रीष्‍टडा थो़र लु़न्‍निलो आकोति छो़म दु़खा इम्‍निम ल्‍वा हाम ना हामकाम दु़स्‍ता मा? गो मेप्‍माम मिम्‍तोम मिबु।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

२ कोरिन्‍थी 2:15

हेङालोने सेल्‍सिक्‍पामिम नुङ पुयु़लुक्‍पामिम गोडा गुइ माम्‍चु़नीकाम लागि ख्रीष्‍टकु भ्रपा मूरनेम्‍पा धूप सो़।

१ कोरिन्थी 15:14

ख्रीष्‍ट सिमुलाम बम्गेम्डिम मेएँ माला गुकु दो़त्तोकोम ल्‍वा नुङ इनीमा थो़र वो हाम ना हामकाम दु़म।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

रोमी 11:22

मेम्‍मिमका माम्‍चु़नी न-थो़मनुङमा बुमी मा गुमीका र्‍वामिमिम होङङा मेबेपामिमलाई देन्‍दे ग्‍वामी र्‍वाक्‍पा ल्‍वा जो़होमका मिम्‍नी। लावो माम्‍चु़नीकु दिदामगोडा बुनिम बुनी माला गानीडला उनीमा न-थो़म रेम्‍बोमी मेएँ माला गानी वो क्रिम्‍ला सो़सिनी।

थु़र्मा 8:13

सिमोनका वो थो़रबु़डु़मा कु-रु़दु़म रङडु़। मेकोतिमा गु हेल्‍लो लोवो फिलिपनुङ लाम्‍दिथाल्‍ला। फिलिपका बु़डु़म यु़मखारीमिम नुङ हेल्‍लो वो मेल्‍वासु़वाम खारीमिम ल्‍वास्‍तु़मा ङाङाया दु़स्‍थाल्‍ला।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

१ कोरिन्थी 11:2

खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।