१ कोरिन्थी 15:19 - थुलुङ राई

¹⁹ ख्रीष्‍टडा गुइ हाम हुम ल्‍वापा न बिइमिम ओराम सु़म्‍दिसेरडा बुइमिमसम्‍मकाम लागि कोङङा माला वाङमिम मु़चु़मिमडाम वो हापा नाम्नाम्चो़ गुइ दु़म्‍सी।

१ कोरिन्थी 15:19 Referans Kwoze

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

२ तिमोथी 3:12

ख्रीष्‍ट येशूडा माम्‍चु़नीकु लाम्‍दी होम्‍साका लाम्‍दिमु माल्‍पामिम खोत्‍ले मु़चु़काम छो़म उनी थो़मतेर्सी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

मत्ती 24:9

“मेकोतिमा मु़चु़मिमका गानीलाई चु़म्‍नीमा इनीमा थो़मतेर्बेन्‍मी, मा सेन्‍बेन्‍मी। गोडला गानी थो़रलु़न्‍निमका खोत्‍ले सामामिमका गानीलाई मेद्‌वानिमी।

२ तिमोथी 2:4

सेनाडा भर्ती दु़म्‍पा सिपाहीका वाङमिम खारी बेसाका नेम मेताडु़, हेङालोने गुलाई भर्ती बेपा डोक्‍पु मु़चु़लाई गेर्सिबेन्‍मुङा गुका मालु़मिम दु़म।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।