१ कोरिन्थी 15:1 - थुलुङ राई

¹ वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।

१ कोरिन्थी 15:1 Referans Kwoze

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

१ कोरिन्थी 3:6

गो भ्रल ख्‍लिउतो, अपोल्‍लोसका कु फिक्‍तु़, लावो माम्‍चु़नीकाङा बर्बेट्‌मिडी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

१ कोरिन्थी 4:15

ख्रीष्‍टडा गानीलाई सीपा मु़चु़मिम ङार्मुङा मेझापा बुमी, लावो इनीमा पाप ने सेर्पा मेबुमी। गानीलाई जो़पा-सेला थो़बेसाका येशू ख्रीष्‍टडा गो इनीमा पाप दु़म्‍ङोडोम बु।

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।