१ कोरिन्थी 14:6 - थुलुङ राई

⁶ वा-ल्‍वाकनी, इनीमाडा गो वाङ सामामिमकु ल्‍वा जेत्तो रोङु लावो माम्‍चु़नीका रेम्‍बेट्‌ङिडिमिम ल्‍वा, नेप्‍चीनुङमा ल्‍वा, माम्‍चु़नीलाममिम जेसी, सीसिकु सिजेम मेरेट्‌पु माला गानीलाई हाम जो़पा दु़म मा?

१ कोरिन्थी 14:6 Referans Kwoze

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

२ तिमोथी 3:16

माम्‍चु़नीकु खोत्‍ले सिजेम माम्‍चु़नीकु सामलामका रोक्‍ताम सो़, मा सीमु, लु़म्‍ला बेन्‍मु, जो़पा बनेबोमु, माम्‍चु़नीकु न होम्‍साका दोबेन्‍मुडा ओराम ख्‍लो़पा बु।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

१ कोरिन्थी 14:1

रिखामकु लाम्‍दी खाट्‌नी मा माम्‍चु़नी पेलकु राप्‍लावा ल्‍वापा छो़म न बेनी। मेरामडाम वो हापा माम्‍चु़नीलाम जेपा राप्‍लावा ल्‍वामु छो़म न सोक्‍नी।

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

२ पत्रुस 1:5

मेम्‍मिमका इनी थो़रडला इनी जो़पा दु़म्‍सी काप्‍तो लक्‍नी, जो़पा दु़म्‍सीडला न छेबेसी,

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

२ तिमोथी 2:14

थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

फिलिप्‍पी 3:15

थो़रलु़सीडा गुइ डोक्‍पुमिम खोत्‍ले ने ओर्मिमकु दुथाम आरेसाका न जु़ल्‍मु बासी। कोङनिम ल्‍वाडा गानी वाङङा मिम्‍निम बु माला माम्‍चु़नीका गानीलाई जो़होमका थेसिथेन्‍बेनिमी।

एफिसी 3:4

गो र्‍याक्‍तोम ल्‍वा गानी डाट्‌नी माला ख्रीष्‍टकु दुथाम सु़का वो मेचक्‍मिवाम ल्‍वा आच्‍छाङा गो चक्‍पु र्‍वाक्‍साका गानी थेसिथेनी।

२ कोरिन्‍थी 12:7

माम्‍चु़नीका गोलाई रेम्‍बेट्‌ङिडिमिम हेल्‍लो वो मेल्‍वाम्‍मा ल्‍वाका गो डोक्‍पु मेलिसिङुनु़ र्‍वाक्‍साका माम्‍चु़नीका आमा मिरो़मडा चु़ ग्‍वाङ्‌डिमी। ओराम शैतानकु सेलाचो़ बाइडा, ओरामका छो़म आमा थो़मतेर्सु़ मा गोलाई डोक्‍पु लिसिमु मेग्‍वाङी।

२ कोरिन्‍थी 12:1

आमा लागि हाम वो जो़पा मेबु़ लोवो गो धक्‍ची डोक्‍पु बोमुङा बासी। ङाचो़लामका ल्‍वाउतोम मिक्‍सीलाममिम नुङ गुमीका रेम्‍बेट्‌ङिडिमिम ल्‍वामिमकु दुथाम गो सो़उ।

२ कोरिन्‍थी 11:6

गो जो़होमका जेमु मेथेट्‌पा बुङु लोवो गोनुङ नेप्‍ची बु। ओराम नेप्‍ची गुकु हेल्‍लो लोवो खोत्‍ले खारीडा गानीलाई जो़होमका रेम्‍बेत्तोकोम बु।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रोमी 15:14

आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

मत्ती 16:26

खोत्‍ले सु़म्‍दिसेरङा उ ल्‍वाड्‌डा बेसाका वो त्‍वारो़म मेल्‍वासु़ माला मेराम मु़चु़का हाम ल्‍वासु़ मा? मु़चु़कु त्‍वारो़मडाम वो हापा थिकाम हाम बु मा?

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

१ कोरिन्थी 14:7

लिउसाम नुङ कामसोर होप्‍माम साम मान्‍थिम योङलेमकु लो़लाम जो़होमका मेलुकावा माला हाम जेत्तोङा लेडु़ र्‍वाक्‍साका सु़का छेमु चाप्‍सु़ मा?