१ कोरिन्थी 14:16 - थुलुङ राई

¹⁶ इनी न-गोका माम्‍चु़नीकु नङ कोनिलो गानी जो़होमका आलासो़ र्‍वानी लोवो गानी र्‍वाक्‍तोङा बोनिमिम ल्वा वाङमिमका थेसिमेथेन्‍मी माला मेर्मिमका हेसाका “आमेन” र्‍वामी?

१ कोरिन्थी 14:16 Referans Kwoze

रेम्‍बेट्‌मिडिम ल्‍वा 5:14

मे ब्‍लले सामनुङमिमका “आमेन” र्‍वाम्‍डी। मेम्‍मा ङाउ-डु़म्‍लाचो़मिमका कुम्‍सिम्‍डिमा भेन्‍दाचो़ सेव साट्‌मिडी।

१ कोरिन्थी 11:24

मा माम्‍चु़नीलाई आलासो़ ग्‍वाम्‍डी। मेम्‍मा गुमीका मे सो़बेम फ्‍वाक्‍चो़ल बेम्‍डी मा, “ओराम इनीमा लागि ग्‍वाक्‍मा आमा मिरो़म सो़। गोलाई मिम्‍मु आरे बेनी।”

रेम्‍बेट्‌मिडिम ल्‍वा 7:12

“आमेन! इकीमा माम्‍चु़नीकाम हेल्‍लो लोवो नङ कोसिनु़, यु़म झ्‍वानु़, नेप्‍चीनुङमा दु़म्‍नु़, आलासो़ दु़म्‍नु़, गुमीङा डोक्‍पु दु़म्‍मिनु़म बुमिनु़, उनीमा यु़म दु़म्‍नु़म बु़नु़ मा सो दु़म्‍नु़म बु़नु़। आमेन!”

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

१ कोरिन्थी 16:24

ख्रीष्‍ट येशूडा आमा रिखाम गानी खोत्‍लेनुङ दु़म्‍नु़। आमेन।

१ कोरिन्थी 14:14

हेङालोने गो वाङ सामा ल्‍वालाम सो़म्‍दी बेउलो आमा न-गोका सो़म्‍दी बु़, लावो आमा नका ने हाम वो थेसिथेड्‍डु़म मेदु़म।

१ कोरिन्थी 14:2

थेसिमेथेडिमिम वाङ सामा ल्वाडा जेपाका मु़चु़मिमनुङ मेएँ माम्‍चु़नीनुङ जे। गुका जेमिम ल्‍वा सु़का वो थेसिमेथेडु़। थक्‍मा ल्‍वामिम गुका माम्‍चु़नी-पेललाम जे।

थु़र्मा 4:13

मेर्मिमका पत्रुस नुङ यूहन्‍ना थेट्‌पा-चक्‍पा मु़चु़ ने मेएँ र्‍वाक्‍पा चम्‍डी, लावो मेर्चिप मेङिसाका जेच्‍चिम ल्‍वाम्‍डिमा मेर्मिम ङाङाया दु़म्‍मिडी। मेकोतिमा मेर्चिप येशूनुङ बाथाल्‍ची र्‍वाक्‍पा वो मेर्मिमका चम्‍डी।

यूहन्‍ना 21:25

येशूका वाङमिम वो हापा खारीमिम बेम्‍डी। मेर्मिम खोत्‍ले र्‍याक्‍पाका माला मे र्‍याक्‍मा खाजेममिम हिसिक्‍पा खोम खोत्‍ले सु़म्‍दिसेरडा वो मेदु़प्‍सावा र्‍वाक्‍पा गो लु़ङु।

यूहन्‍ना 7:15

यहूदीमिमका ङाङाया दु़म्‍मिडिमा आरे र्‍वाम्‍डी, “हाम वो मेसीसिसाका हेसाका ओराम आकोम छो़म थेट्‌पा दु़स्‍ता?”

मर्कूस 16:20

मेकोतिमा मे सीसिपामिम खोत्‍लेथो़ लम्‍डिमा मु़चु़मिमलाई जो़पा-सेला थो़बेन्‍मु चो़म्‍मिडी। मेकोतिलो माम्‍चु़नीका वो मेर्मिमनुङ दु़म्‍साका खारी बोमु चो़म्‍मिडी, मा छेखोपका मेराम ल्‍वा आच्‍छाङा रेछा र्‍वाक्‍पा रेम्‍बेम्‍डी। आमेन]

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

मत्ती 15:36

गुमीका मे येतले सो़बेम नुङ ङो झेट्‌मिडिमा माम्‍चु़नीलाई आलासो़ ग्‍वाम्‍डी, मा फ्‍वाक्‍चो़ल बेम्‍डी। मेम्‍मा गुमीका सीसिपामिमलाई ग्‍वाम्‍डी, मा मेर्मिमका मु़चु़मिमलाई दो़म्‍साम्‍डी।

२ कोरिन्‍थी 1:20

माम्‍चु़नीका खोत्‍ले याचे जेम्‍डिम ल्‍वामिम “आच्‍छाङा” र्‍वाक्‍साका ख्रीष्‍टडा रोक्‍थिड्‍डा। मेम्‍मिमका ख्रीष्‍टलामका माम्‍चु़नीकु नङ डोक्‍पु दु़म्‍नु़ र्‍वाक्‍साका गुइ “आमेन” र्‍वाकी।