१ कोरिन्थी 14:1 - थुलुङ राई

¹ रिखामकु लाम्‍दी खाट्‌नी मा माम्‍चु़नी पेलकु राप्‍लावा ल्‍वापा छो़म न बेनी। मेरामडाम वो हापा माम्‍चु़नीलाम जेपा राप्‍लावा ल्‍वामु छो़म न सोक्‍नी।

१ कोरिन्थी 14:1 Referans Kwoze

१ कोरिन्थी 14:39

मेम्‍मिमका वा-ल्‍वाकनी, माम्‍चु़नीलाम जेमु छो़म न बेनी, मा थेसिमेथेडिमिम वाङमी ल्‍वाडा जेमुडाम मेभोप्‍नी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

१ कोरिन्थी 16:14

गानी हाम बोनी रिखामनुङमा दु़म्‍निमा बेबेनी।

१ कोरिन्थी 12:1

वा-ल्‍वाकनी, माम्‍चु़नी पेललाममिम राप्‍लावामिमकु दुथाम गानी मेचक्‍साका बानी र्‍वाक्‍पा आमा न मिबु।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

१ थेसलोनिकी 5:20

माम्‍चु़नीलाममिम-जेसीलाई सेम्‍ला मेबेट्‌नी।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

१ कोरिन्थी 14:37

कोङनिम मु़चु़का उ त्‍वापलाई माम्‍चु़नीलाम जेपा लोवो माम्‍चु़नी पेललाममिम राप्‍लावा ल्‍वापा मु़चु़ मिम्‍सी माला गो र्‍याक्‍तोम ल्‍वा ङाचो़ येशूका र्‍वाम्‍डिम र्‍वाक्‍साका रङु़नु़।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

१ कोरिन्थी 12:31

लावो खोत्‍लेडाम जो़पा राप्‍लावा ल्‍वापा छो़म न बेनी। मेम्‍मा गो गानीनुङ ओरामडाम वो हापा जो़पा लाम्‍दी सो़उ।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।

२ पत्रुस 1:7

माम्‍चु़नीकु लाम्‍दीडा लाम्‍दीसीडला वा-ल्‍वाकडा न-थो़म बेबेसी, वा-ल्‍वाकडा न-थो़म बेबेसीडला रिखाम काप्‍तो लक्‍नी।

रोमी 12:6

माम्‍चु़नीका उनीमा दिदामका गुइलाई ग्‍वाक्‍साडामिम वाङ वाङ राप्‍लावालाम उनीमा खारी बिइ। माम्‍चु़नीलाम जेमुचापा त्‍वाकु थो़रलु़सीडा गुमीलाम जेसी।

२ तिमोथी 2:22

मेम्‍मिमका स्‍वालादुडाम मेजो़पा खारीडाम वाङ बाया, सेपा न-गोका माम्‍चु़नीकाम नङ रपामिमनुङ कोयोङा माम्‍चु़नीकु न होङ्‍ङा बेपा थो़र बोमु, रिखाम बोमु नुङ न-भ्रसिबेन्‍मु न बे।

रोमी 9:30

गो र्‍वामु माल्‍तोम ल्‍वा ओराम ङा सो़। वाङसामामिम माम्‍चु़नीकु न-गो होम्‍साका मेदोपा मु़चु़ बाम्‍डी। लावो मेर्मिम ने थो़रलु़सीलामका माम्‍चु़नीकु ङादोडा जो़पा न-गोकाम मु़चु़ दु़म्‍मिडी।

रोमी 14:19

मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

१ कोरिन्थी 14:22

मेम्‍मिमका थेसिमेथेडिम वाङ सामा ल्‍वाडाम जेसी ने थो़रलु़पामिमकाम लागि मेएँ, थो़रमेलु़पामिमकाम छेखोप सो़। लावो माम्‍चु़नीलाम जेसी ने थो़र मेलु़पामिमकाम लागि मेएँ थो़रलु़पामिमकाम लागि सो़।