१ कोरिन्थी 13:7 - थुलुङ राई

⁷ रिखामका खोत्‍ले ल्‍वा इम्‍डु़, खोत्‍ले ल्‍वाडा थो़र लु़, हेल्‍लो लोवो जो़पा ल्‍वा दु़म र्‍वाक्‍पा लु़, खोत्‍ले ल्‍वाडा इम्‍सिसाका बुमु चापा दु़म।

१ कोरिन्थी 13:7 Referans Kwoze

१ पत्रुस 4:8

खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

१ कोरिन्थी 13:4

रिखाम इम्‍मु चापा नुङ न-थो़मनुङमा दु़म। रिखामका नाचु़र मेबु़, डोक्‍पु मेलिसी, नो़ मेल्‍वाक्‍थाडु़।

२ तिमोथी 2:24

माम्‍चु़नीकु डु़ल्‍चो़का रिबुसी किसि मेनु़, लावो खोत्‍लेनुङ दु़पा, सीमुचापा, इम्‍सिक्‍पा,

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

१ कोरिन्थी 9:12

वाङमिम मु़चु़का गानीलामका ख्‍लो़ला सो़म्‍सिमु ल्‍वामी माला हाम गुकु मेर्मिमडाम हापा ल्‍वामु बासिक्‍पा मेएँ मा? लावो गुकु ने मेम मेबेकुवा, येशू ख्रीष्‍टकु दुथाममिम जो़पा-सेला थो़बेन्‍मु मेभोम्‍सिनु़ र्‍वाक्‍साका गुकु खोत्‍ले इम्‍कु।

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

हिब्रू 13:13

गुइ वो शहरलाम पाखा गुमीकाडा लक्‍सी, मा गुमीका इम्‍मिडिम दु़खा होम्‍साकाङा गुइ वो दु़खा इम्‍डी।

रोमी 8:24

हेङालोने गुइ हाम हुम ल्‍वामु लागि ङा माम्‍चु़नीका गुइलाई सेल्‍साड्‍डामी। हाम हुम ल्‍वाउनु़ र्‍वाक्‍साका नगोडा लन्‍थामु सो़। मु़चु़का ङादोङा ल्‍वामु दु़स्‍तु़म ल्‍वा गुका नगोडा मेलथाडु़। ङादोङा दु़स्‍ताम ल्‍वा सु़का लथाडु़ मा?

मर्कूस 9:23

येशूका मेरामलाई र्‍वाम्‍डी, “गाना हेङा चाम्‍नी माला र्‍वानामिम? थो़रलु़पाका बोमु मेचाप्‍सु़मिम ने हाम वो मिबु।”