१ कोरिन्थी 13:6 - थुलुङ राई

⁶ रिखाम मेजो़पा ल्‍वाडा मेगेर्सी, लावो आछाङाकाम ल्‍वाडा गेर्सी।

१ कोरिन्थी 13:6 Referans Kwoze

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

२ यूहन्‍ना 1:4

माम्‍चु़नी पापका बेबेसाड्‌डामिम होङङा कोङनिम इनीमा चो़मिम आच्‍छाङाकाम ल्‍वाडा लाम्‍दित्तोङा बोमिमिम डार्तोमी मा गो छो़म गेर्सी द्‌वाङडोम बु।

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

२ थेसलोनिकी 2:12

मेम्‍मिमका येशू ख्रीष्‍टकु दुथाममिम आच्‍छाङाकु ल्‍वाडा थो़र मेलु़पा, लावो मेजो़पा ल्‍वाडा भ्रसिक्‍पा खोत्‍ले मु़चु़लाई माम्‍चु़नीका मुमा बेन्‍मी।

फिलिप्‍पी 3:18

ङादो गो गानीनुङ सो़उथाल्‍तो मा ओम्‍लो वो प्‍ल आल्‍तो र्‍वाङु, हापा मु़चु़मिम ख्रीष्‍टकु क्रूसकाम स्‍वाक्‍चिमो होङङा बुमी-दोमी।

फिलिप्‍पी 1:18

लावो ओराम ने हाम मा? खोत्‍लेडाम डोक्‍पु ल्‍वा ने ओरामङा सो़, मेजो़पा नका दु़म्‍नु़का आच्‍छाङाकाम नका, हेसाका लोवो मेर्मिमका ख्रीष्‍टकु दुथाम थो़बेन्‍मिमिम बुमी। ओरामकाङा गो भ्रसिद्‍वाङु।

फिलिप्‍पी 1:4

गानी खोत्‍लेकाम लागि खोत्‍ले आमा सो़म्‍दीमिमडा गो हेल्‍लो लोवो भ्रसिक्‍तो सो़म्‍दी बेउ,

लूका 22:5

मेर्मिमका ओराम ल्‍वा थो़म्‍डिमा गेर्सिद्‌वाम्‍डी, मा गुलाई खउलुङ ग्‍वाक्‍पा दु़म्‍मिडी।

मत्ती 18:13

गो गानीलाई आच्‍छाङा र्‍वाङु, दाम्‍पा मे भेन्‍दा डारु़मा मेदाम्‍पा गु-गुले (९९) भेन्‍दामिमडाम वो डार्डु़म कोलेडाम गु छो़म गेर्सी द्‍वा।